Aizaya 66:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kerẹ ohwo rẹ oni rọye bruche, eriyin Mi bru we uche; ke bru we uche vwi Jerusalẹm.

Aizaya 66:13 ပူးပေါင်းရင်းမြစ်များ

Une rẹ Ejiro 137:6

Gbe jẹn ẹrẹnvwe mẹ ya mu vwe unu, ọ da dianẹ me karọhọ owẹ-ẹ,

Une rẹ Ejiro 94:19

Ọke rẹ enwan rẹ udu mẹ de rhi buphihọ, uchebro wẹn kọye sasa ẹnwẹ mẹ.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 40:1

Bruche, bru ihwo mẹ uche, eriyin Ọghẹnẹ wẹn tare.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 66:10

Nene Jerusalẹm ghọghọ, re oma vwerhe owẹ kẹ, ovwan ihwo ejobi re guọnerọ, nene ghọghọ vwẹ omavwerhe, ovwan ejobi ri muomahọ kẹ,

2 Kọrẹnt 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, Ọsẹ rẹ aruẹdọn kugbe Ọghẹnẹ rẹ uchebro,

2 Kọrẹnt 1:4

ro bru avwanre uche vwẹ evun rẹ ukpokpogho ejobi, rere avwanre vwo se bru otu re hẹ ukpokpogho uche, vẹ uchebro rẹ Ọghẹne bru avwanre.

1 Tẹsalonaika 2:7

Ẹkẹvuọvo avwanre ruru dẹndẹn vwẹ ohri rẹ ovwan, kerẹsiẹ rẹ ọmiọvwọ a da ghẹrẹ emọ rọye.