Aizaya 65:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Me cha reyọ uvwiẹ ri Jekọp rhe, i ri nẹ Juda rhe ke reuku rẹ igbenu Mẹ; e re Me jẹreyọ ke vwọ re uku, idibo Mẹ ke cha dia etiyin.

Aizaya 65:9 ပူးပေါင်းရင်းမြစ်များ

Aizaya 27:6

Vwẹ ẹdẹ re cha na Jekọp kọ cha vwẹ owọ muotọ, Izrẹl kọ cha kpa ipho kọ ghwe ẹbe phihọ, omamọ rọye kọ cha vọn akpọ na ejobi.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Aizaya 32:18

Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 57:13

Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Aizaya 65:22

Ayen gbe bọn rẹ ohwo ọfa da dia-a, ayen gbe kọn rẹ ohwo da riọ-ọ, kidie kirobo re ẹdẹ re urhe cha dia ọtiọye ẹdẹ rẹ ihwo Mẹ cha dia, ihwo Mẹ re Me jẹreyo na ke cha ghọghọ krekri vwẹ iruo re ayen vwẹ abọ rayen ru.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Zẹfanaya 3:20

Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.

Matiu 24:22

Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ.

Ọbe ri Pọl si rhe Ihwo ri Rom 11:28

Vwẹ oma rẹ iyẹnrẹ esiri na ayen kẹ ọvweghrẹ rẹ Ọghẹnẹ fiki rẹ ovwan; ẹkẹvuọvo vwẹ oma rẹ ẹjẹreyọ ayen kẹ ihwo eghaghare fiki rẹ esẹ rayen ride.