Aizaya 65:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Aizaya 65:7 ပူးပေါင်းရင်းမြစ်များ

1 Ivie 22:43

Ọ da vwọ kpahe idjerhe ejobi rẹ ọsẹ rọye Asa; o gbobọ nyẹ-ẹ, o de ru obo ri yovwiri vwẹ obaro rẹ Ọrovwohwo; dede na a sa guọghọ asa ri kpenu na-a, yẹ ihwo na ji ze izobo ayen je torhẹ insẹns vwẹ asan ri kpenu na.

1 Ivie 22:44

Jehoshafat vẹ ovie rẹ Izrẹl da rhuẹrẹ kugbe.

Ivie rẹ Ivẹ 12:3

Ẹkẹvuọvo e se si asan ri kpenu na no-o; ihwo na ki ji ze izobo ayen je torhẹ insens vwẹ asan ro kpenu na.

Ivie rẹ Ivẹ 14:4

Ẹkẹvuọvo e ghwie egbada rẹ ayen nu-u; ihwo na je gọ iye torhẹ insẹns vwẹ enu rẹ agbada.

Ivie rẹ Ivẹ 15:35

Dede na e ji se ghwie egbada na no-o; ihwo na ji ze izobo ayen je torhẹ incẹns vwẹ enu rẹ egbada na. Ọ bọn anurhoro rọ hẹ enu rẹ uwevwi rẹ Ọrovwohwo na.

Ivie rẹ Ivẹ 16:4

O de ze izobo ọ da torhẹ incẹns vwẹ enu rẹ agbada vẹ enu rẹ igbenu, vẹ otọ rẹ irhe ekpokpọ.

2 Ikun rẹ Ivie 21:11

Ọ rọ marho o de ru asan rọ kpenu buebu phihọ obo orho rẹ ugbenu ri Juda, ọ da nẹrhẹ ihwo re dia Jerusalẹm jẹ esegbuyota evwo, o de rhi sun Juda ghwru.

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 22:14

Ọrovwohwo rẹ otuofovwi na vwẹ oma rọye phia ke vwẹ nyo. Uyota orukuruku nana e se vwo ghovwo uvwe-e bẹsiẹ wo vwo ghwu eriyin Ọrovwohwo Ọghẹnẹ rẹ otuofovwi tare.

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Aizaya 28:21

Kidie Ọrovwohwo che vrẹn kerẹ ọke rẹ Ugbenu ri Parazim, ophu ko muo kerẹ ọke rẹ iyara ri Gibeọn, ro vwo ru uruemu rọye–uruemu ọrhorha na! ro vwo ru iruo rọye–iruo ọrhorha na!

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Aizaya 3:11

Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.

Aizaya 30:13

fiki rẹ ọtiọye na orukuruku na kọ cha dia kẹ wẹ kerẹ ova vwẹ oma rẹ igbẹhẹ, rọ vẹn tutu kpo uko, ro che rhurie she, ro che she ẹsiẹvuọvo kpregede,

Aizaya 30:14

koọ ghwọrọ ivwivwuvwu kerẹ ochẹ rọ mema rọ guọghọ mwumwerhe, ra gbe sa mrẹ igbẹphẹre ọvuọvo vwọ bẹdẹ-ẹ ra vwọ wan erhanre nẹ enyerhanre-e, eyẹ ra vwọ sẹghrẹ ame nẹ orhare rhe-e.

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Aizaya 57:7

Vwẹ enu rẹ ugbenu ro kpenu gogorogo oboyi wo mu ehwa phihọ, kẹ oboyi wa ra de re ze izobo.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Aizaya 65:6

Nighere, e siro phihọ obaro mẹ, Mi che fotovwi-i, ẹkẹvuọvo Me cha hwa osa, e, Me cha hwa osa phihọ agada rayen

Aizaya 66:4

Mẹvwẹ ọvo kọ cha je okpetu kẹ ayen, Me djẹ oshọ mu ayen; kidie, ọke mi vwo se, ohwo ọvuọvo nyori-i, Me vwọ ta ota ayen kerhọ-ọn, ẹkẹvuọvo ayen ru umwemwu vwẹ obaro Mẹ, ayen da je obo ri tu vwe oma ru.

Jerimaya 13:25

Ọnana kọye ẹkẹn wẹn ẹkẹn re me vwavwe kẹ wẹ, eriyin Ọrovwohwo tare, kidie me chọrọ owẹ ẹro, wọ da vwẹ ẹro so efian.

Jerimaya 13:27

Me mrẹ egua egbe wẹn nure, igberadja vẹ efian wẹn, ọfarhiẹ vẹ obẹnẹ kugbe igberadja ọbrabra wẹn, Vwẹ enu rẹ igbenu vwẹ aghwa. Ekan kẹ wẹ, E Jerusalẹm! Mavọ okrite ra ke họ wẹ fon?

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 5:29

Mi gbe hwe ayen fiki rẹ imu nana? eriyin Ọrovwohwo na tare, orere ọtionana me gbe reihri kẹ oma mẹ kaphẹ orere ọtiọna na-a?

Jerimaya 5:9

Mi gbi hwe ayen vwi fiki rẹ imu nana-a eriyin Ọrovwohwo tare; me gbe re ihri kẹ oma mẹ kpahe orere ọtiọnana?

Izikiẹl 18:6

ọ da dianẹ ọ rha re emu vwẹ enu rẹ ugbenu-u eyẹ ọ rha kpare opharo kpenu vwo ni ema rẹ uwevwi rẹ Izrẹl na-a, o rhe gbe aye rẹ ọrivẹ rọye ẹgua-a eyẹ o rhe bi kẹre aye rọ hẹ ọke rọye-e,

Daniẹl 9:8

Vwọ kẹ avwanre, E Ọrovwohwo, ozighi vọn opharo rẹ avwanre, ivie rẹ avwanre, vẹ isun rẹ avwanre, te esẹ rẹ avwanre, fikiridie avwanre ru umwemwu kpahe owẹ.

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Livitikọs 26:39

Ihwo ri rhe chekọ vwẹ ohri rẹ ovwan ke cha hanvwe phihọ vwẹ otọ rẹ ivwighrẹn rẹ ovwan fiki rẹ orukuruku rayen, fiki rẹ umwemwu re ese rayen kẹ ayen hanvwe phihọ

Ukeri 32:14

Nighere, ovwan kọye rhe mu vwẹ ẹdia rẹ esẹ rẹ ovwan na, uvwiẹ rẹ ihwo umwemwu na, rẹ ovwan rhanriẹ ophu rẹ Ọrovwohwo na kpahe Izrẹl!

Iyẹnrẹ Esiri ri Luk 6:38

Kẹ, ka je kẹ wẹ; omamọ rẹ ovwanvwọn, ra nyẹre, re kpoghori, rọ mwavwi hwẹ, kọye e mu phihọ agada wẹn. Kidie ovwanvwọn wọ vwọ vwanvwe kẹ ihwo ọye a je vwọ vwanvwe kẹ wẹ.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.