Aizaya 65:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Aizaya 65:25 ပူးပေါင်းရင်းမြစ်များ

ỌBE RẸ JOB 5:23

Kidie wọ vẹ ibieragha rẹ aghwa na cha dia obọ, eranvwe rẹ aghwa na vẹ owẹ cha dia vwẹ ufuoma.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 35:9

Okpohrokpo ọvuọvo cha dia etiyi-in, eyẹ eranvwe rọ djoma ọvuọvo cha yan te etiyi-in, a cha mrẹ ayen vwẹ etiyi-in, ẹkẹvuọvo otu ra tan hirhe ọvo re cha yan vwọ.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 65:11

Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Izikiẹl 43:11

Ọ da dianẹ oma rẹ obo rẹ ayen ruru na vo ayen, gba nabọ dje obo rẹ uwevwi rẹ ẹga na, ẹkuẹko rọye, anurhoro rọye vẹ unu ra wan no, obo rẹ uwevwi na ejobi epha, rere wo dje iji na ejobi kugbe irhi mẹ ejobi kẹ ayen, wo sio phihọ otọ vwẹ irharo rayen, rere ayen vwẹ ẹro te rere ayen yọnrọn irhi na kugbe iji rọye ejobi.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Maika 4:3

Ko che guẹdjọ rẹ ihwo buebu, ko brorhiẹ rẹ ẹgborho egangan re he ogboko, ayen ki che duvwu elọkọ rayen phihọ ighwro, ibiri rayen phihọ egbage re vwo fru odi; ẹgborho gbe kpare ọlọkọ vwọ so ẹgborho-o, ayen gbi che nyo umri rẹ ofovwi ọfa-a;

Maika 7:17

ayen ke cha rare ekpẹn kerẹ ọrọdekọ, kerẹ erọvwọ ri kpono vwẹ otọ na; ayen ki yoro nẹ asan ọgangan rayen rhe vẹ oma ẹpharie, ayen ki che rhivwi bru Ọrovwohwo Ọghẹnẹ rayen rhe vẹ udidi, oshọ kọ mu ayen fiki wẹ.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Iruo rẹ Iyinkọn na 9:1

Ẹkẹvuọvo Sọl, ọ jẹ nwẹn ẹnwẹn rẹ ozighẹ heriheri kpahe iyinkọn rẹ Ọrovwohwo na, o de bro orherẹn rode na,

Ọbe ri Pọl si rhe Ihwo ri Rom 16:20

o chekọ emerha, Ọghẹnẹ rẹ ufuoma na ko che chihi Idẹbono muotọ. Ẹserọphẹ rẹ Ọrovwavwanre Jesu Kristi nene ovwan dia.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.

Ẹvwọphia 14:1

Etiyin mi de ni, nighe, Omogodẹ na de mudia vwẹ Ugbenu ri Zayọn, ihwo uriori ujughwrẹ gbẹ ẹne re si odẹ rọye kugbe odẹ rẹ Ọsẹ rọye phihọ arhare rayen.