Aizaya 65:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ayen gbe wian kufia-a, eyẹ ayen gbi vwiẹ emọ kẹ ughwu-u, kidie ayen ke dia uvwiẹ rẹ ebruphihọ rẹ Ọrovwohwo, te ayen kugbe emọ rayen.

Aizaya 65:23 ပူးပေါင်းရင်းမြစ်များ

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

ỌBE RẸ JOB 21:8

Eyere rẹ emọ rayen rhe ghwotọ vwe irharọ rayen, ọ re uvwiẹ rayen vwẹ irharo rayen.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 61:9

Uvwiẹ rayen ka riẹn vwe ohri re ẹgborho na, emọ rayen vwẹ usun re ihwo na, ihwo re mre ayen ki vughe ayen, nẹ ena ihwo rẹ Ọrovwohwo bruphihọ kẹ.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Izikiẹl 36:29

Ki mi si we nẹ ijẹfuọn wẹn ejobi, ke me vuẹ rhe ọka ki mi ruọ ro bu phihọ owẹvwe gbi che si kẹrẹ owẹ-ẹ.

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Livitikọs 26:22

Ki mi si obọ nẹ eranvwe re djoma vwẹ ohri re ovwan, ke ayen che mu emọ rẹ ovwan re, kugbe uchuru rẹ ovwan, ayen mi rhi ru ovwan havwe phihọ, idjerhe rẹ ovwan ejobi ki che gbe a rha mrẹ ohwo vwẹ aye-en.

Livitikọs 26:29

Emọ rẹ ovwan keye ovwan che vwo ruẹ emu re, te emetẹ te emeshare rẹ ovwan.

Hegae 1:6

Wọ kọnre buebu, emerha tutunọ kọye wo vunru; wo ria, ẹkẹvuọvo yu wọ mrẹ obọ ri te we ria-a, wọ da, ẹkẹvuọvo yẹ evun vọn wẹ-ẹ, wo rhuo oma wẹn, ẹkẹvuọvo yẹ oma rẹ ohwo ọvuọvo tuabọ-ọ; ohwo rọ reyọ osa ọ ghwa reyọ nẹ yo phiophihọ ekpo vẹ iphrophro.

Hegae 2:19

Kẹ ibi rẹ emamọ na je hẹ erhu? Ki vain, vi fig, kugbe pomegranate, kugbe urhe rẹ oliv gbe je mọ emuọvo-o? Ki nonẹ yanran ki mi bruphihọ kẹ wẹ.

Malakae 3:10

Wa gba ghwa ẹkẹ ihwe na ejobi rhe erhu mẹ, rere emuọre vọn uwevwi mẹ, rere wa davwe ovwẹ ni, eriyin Ọrovwohwo rẹ otuofovwi na tare; si mi gbi che rhie evakpo rẹ odjuvwu na phihọ kẹ wẹ ri mi de ku oburhuhu rẹ ebruphihọ mẹ kẹ ovwa-an.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Ọbe ri Pọl si rhe Ihwo ri Rom 4:16

Kọye sorọ rẹ emu na vwọ hẹ obọ rẹ esegbuyota, rere ive na vwọ sa vwẹ oma da ẹserọphẹ rọ dia kri kẹ uvwiẹ rọye ejobi– ọ dianẹ kẹ ihwo re yọnrọn urhi na ọvo-o ẹkẹvuọvo je kẹ ayen otu ri vwo esegbuyota rẹ Ebraham, kidie ọye hẹ ọsẹ rẹ avwanre ejobi,

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

Galesha 3:29

O da dianẹ ovwan ọ ri Kristi, yẹ ovwan kẹ uvwiẹ rẹ Ebraham ọreuku kirobo rẹ ive epha.