Aizaya 65:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Me bẹre abọ mẹ vwẹ ẹdẹ na ejobi vwọ kẹ ihwo ri gbe ozighi, re yan phihọ idjerhe ro je yovwo, ri nene ona rẹ evun rayen ọvo,

Aizaya 65:2 ပူးပေါင်းရင်းမြစ်များ

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Une rẹ Ejiro 36:4

O de Shevwerhẹ ehwa rọye yọ jẹ iroro umwemwu, o phi oma rọye phihọ idjerhe ro je yovwo, ọ sa jẹ umiovwo fia-a.

Une rẹ Ejiro 36:5

Ẹguọnọ wẹn ro jẹ rhẹriẹ, E Ọrovwohwo hẹre re te odjuvwu, uyota wẹn re duvwu irharheghe.

Isẹ 1:24

Fikiridie mi seri yu wọ kerhọ-ọn me riẹn obọ yẹ ohwo ọvuọvo davwe erhọ-ọn,

Isẹ 16:29

Ọvwozighi phiẹn ọrivẹ rọye, o mi suo kpo idjerhe ọbrabra.

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 55:8

Kidie iroro Mẹ dia iroro wẹ-ẹn, yẹrẹ idjerhe wẹn dia idjerhe mẹ-ẹ, eriyin Ọrovwohwo tare.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Aizaya 66:18

Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Aizaya 66:4

Mẹvwẹ ọvo kọ cha je okpetu kẹ ayen, Me djẹ oshọ mu ayen; kidie, ọke mi vwo se, ohwo ọvuọvo nyori-i, Me vwọ ta ota ayen kerhọ-ọn, ẹkẹvuọvo ayen ru umwemwu vwẹ obaro Mẹ, ayen da je obo ri tu vwe oma ru.

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 4:14

E Jerusalẹm, họ oma wẹn nẹ orukuruku rọ hẹ udu wẹn, rere wọ vwọ rhọ. Mavọ iroro umwemwu wẹn dia evun wẹn krite?

Jerimaya 5:23

Ẹkẹvuọvo ihwo nana vwo udu ọgangan ra vwọ chọ urhi, ayen chuko ku ayen da yanran.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Ukeri 15:39

ejọjọ na kọye wọ cha vwọ karophihọ irhi rẹ Ọrovwohwo na ejobi, rere we ru ayen, wo rhe nene udu rẹ obọ wẹ-ẹn kugbe ẹro rẹ obọ wẹ-ẹn, rẹ urhuru ghevweghe che si we re nene.

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

Iyẹnrẹ Esiri ri Luk 13:34

E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn.

Ọbe ri Pọl si rhe Ihwo ri Rom 10:21

Ẹkẹvuọvo je vwẹ Izrẹl na ọ ta kẹ, Kẹdẹ kẹdẹ ejobi me vwọ bẹrẹ abọ mẹ vwọ ta eta kẹ ihwo na ri jẹ ọghọ e vwo na kugbe ihwo echọchọ na.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Urhi Rivẹ 29:19

ohwo ọvo ro nyo eta rẹ ọphọ nana ra rere na rọ bẹbẹ nẹ ẹrhovwo vwẹ udu rọye nẹ, Owenẹ Me yan nene obo rẹ udu mẹ guọnọre dede, emu ọvuọvo se ru vwe-e. Ọnana kọye cha ghwa ehwerhe kuẹfia rẹ odjidjiro vẹ ọyaya rhe.

Urhi Rivẹ 31:27

Kidie Me riẹn obo rẹ ovwan gan udu te obo rẹ ovwan je dia ihwo ebẹbẹn te; nighe, Asakiephana Me vẹ ovwan vwọ herọ Me je vwọ nwẹn na, ovwan je ghwa gan udu kpahe Ọrovwohwo nonẹ na; komavo ọ gan te mi de ghwu nu!

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.