Aizaya 65:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Aizaya 65:18 ပူးပေါင်းရင်းမြစ်များ

2 Ikun rẹ Ivie 6:41

Asakiephana gbe vrẹn, E Ọrovwohwo Ọghẹnẹ rere wo kpo asan rẹ omaerovwo wẹn, re owọwẹ te ekpeti rẹ ẹgba wẹn. Jẹn irherẹn wẹn, E Ọrovwohwo Ọghẹnẹ, vwẹ esivwo rhuo oma, gbe jẹn ihwo efuanfon wẹn ghọghọ vwẹ erhuvwu wẹn.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Zẹfanaya 3:14

Van sọ une, E ọmọte ri Zayọn; kperi, E Izrẹl! Ghọghọ re wọ vwẹ udu wẹn ejobi mu oma kpenu, E ọmọtẹ ri Jerusalẹm!

Zekaraya 2:10

So une wọ ghọghọ, E ọmọtẹ ri Zayọn; kidie gbe nighe, Me rhere Me rhe dia uherevie wẹn, Ọrovwohwo tare.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

1 Tẹsalonaika 5:16

Ghọghọ kọke kọke.