Aizaya 65:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ nighere, idibo Mẹ cha so ine fiki rẹ aghọghọ rọ hẹ udu rayen ẹkẹvuọvo wọ che kperi fiki rẹ ọdjadja rọ he udu wẹn, wo che beroma fiki rẹ ọdjarhe re erhi wẹn.

Aizaya 65:14 ပူးပေါင်းရင်းမြစ်များ

ỌBE RẸ JOB 29:13

Ebruba rẹ ohwo rọ cha ghwọrọ de bru vwe rhe, me da nẹrhẹ udu rẹ ayeuku so une rẹ aghọghọ.

Une rẹ Ejiro 109:28

Jẹn ayen harhe ekan, ẹkẹvuọvo wọwẹ ri brephihọ Jẹn ihwo re ghwiẹ vwe hwe mrẹ omaẹvuọ; jẹn odibo wẹn ghọghọ!

Une rẹ Ejiro 66:4

Akpọ na ejobi gọ wẹ; ayen sua ejiro kẹ wẹ, ayen sua ejiro kẹ odẹ wẹn.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 24:14

Ayen kparẹ urhuru rayen kpenu, ayen so ine rẹ aghọghọ, fiki rẹ ọrhọ rẹ Ọrovwohwo ayen dori vwẹ obuko ọnre.

Aizaya 50:11

Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Jerimaya 31:7

Kidie enẹ Ọrovwohwo tare: vwẹ ọmavwerhovwẹ so une gangan fiki ri Jekọp, je kpare edo do fiki rẹ olori rẹ irere na; ghwoghwo jiro wọ tanẹ, Ọrovwohwo sivwi ihwo rọye nure, iri ghwu chekọ vwẹ Izrẹl.

Matiu 13:42

Ka ghwẹ ayen phihọ erhanre ri bẹdẹ; kẹ etiyin ayen da reako kugbe oviẹ.

Matiu 22:13

Ovie na da ta kẹ idibo rọye nẹ, A gba abo vẹ awọ re we muo phihọ uwodi; kẹ etiyin ọ da viẹ reako.

Matiu 8:12

Ẹkẹvuọvo emọ rẹ uvie na dẹn ka cha djẹ ayen ro otafe, ra ro ebri ri hwin. Kẹ etiyin ayen da viẹ da re ako.

Iyẹnrẹ Esiri ri Luk 13:28

Kẹ etiyin wọ da viẹ wọ da reako wẹn, vwẹ ọke wọ da mrẹ Ebraham kugbe Aizik kugbe Jekọp kugbe emraro na ejobi vwẹ uvie rẹ Ọghẹnẹ ra da djẹ ekpuyovwi rẹ ovwan ro otafe.

Jems 5:1

Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.

Jems 5:13

Ono re reoja vwẹ uherevie rẹ ovwan? e jọ nẹ ẹrhovwo. Ohwo rẹ ivun vwerha? E jọ so une rẹ ejiro.