Aizaya 65:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Aizaya 65:13 ပူးပေါင်းရင်းမြစ်များ

Une rẹ Ejiro 34:10

Emọ rẹ okpohrokpo sa mrẹ ọkarovwe kugbe owẹvwe, ẹkẹvuọvo ayen otu re guọnọ Ọrovwohwo emu esiri sa kare aye-en.

Isẹ 13:25

Ovwata mrẹ uche emu rọ vọn evun ria, ẹkẹvuọvo evun sa vọn oruimwemwu-u.

Aizaya 1:19

Wọ da rhọvwe wo de mu ọghọ, ku wọ re emu esiri rẹ otọ na,

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 41:18

Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 42:17

Ka djẹ ayen rhivwi oma kọ vo ayen, re vwẹ ẹro so oma ra mare, re ta ota kẹ oma ra wanre nẹ, Wẹ ẹdjọ rẹ avwanre.

Aizaya 44:11

Nighere, a cha vwẹ omaẹvuọ kẹ ihwo rọye ejobi ghwẹ koko, jẹn ayen mudia phia, oshọ che mu ayen, oma cha vọ ayen ejobi kugbe.

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 5:13

Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Aizaya 50:11

Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Aizaya 61:7

Vwẹ ẹdia re omaẹvuọ wẹn ku wo vwo ẹkẹn ivẹ, vwe ẹdia re oma ẹphọphọ ku wọ ghọghọ vwẹ ẹkẹn ute wẹn, fiki rẹ ọtiọye na vwẹ evun rẹ otọ wẹn ku wo ẹkẹn ive, ọwẹn kọ dia aghọghọ re rara.

Aizaya 62:9

ẹkẹvuọvo ihwo ri woro ayen koko keye re re ayen ayen ki jiri Ọrovwohwo, ihwo re ghwẹ ayen koko ke da ayen vwẹ ọguan rẹ ẹshẹ mẹ na.

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Aizaya 8:21

Ayen cha wan otọ na vrẹn, vẹ oma ẹghwọrọ rode kugbe owẹvwe; ọke rẹ owẹvwe de hwe ayen re, ophu ko mu ayen duvwu iyori kẹ ovie rayen kugbe Ọghẹnẹ rayen, ke ayen hirhe opharo ku enu;

Jerimaya 22:22

Odju che sun isuigode wẹn, e che mu esen wẹn kpo ighuvwu kẹsiẹye oma ke vo wẹ ku wo kpogho fiki rẹ umwemwu wẹn ejobi.

Daniẹl 12:2

Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Hosia 4:10

Ayen ke re, je evun vọn aye-en, ayen gbe igberadja jẹn ayen buru-u; kidie ayen siẹn Ọrovwohwo ọfarhiẹ kọye ayen gbe.

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.