Aizaya 65:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 65:11 ပူးပေါင်းရင်းမြစ်များ

Ivie rẹ Ivẹ 21:3

Kidie ọ rhoma bọn egbada ri Hẹzikaya ọsẹ rọye guọghọre na; ọ da so agbada kẹ Baal, ọ da rha ma Ashera kirobo rẹ Ehab ovie rẹ Izrẹl ruru, ọ da gọ ekuakua ri obenu na, o de ze kẹ ayen.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Une rẹ Ejiro 132:13

Kidie Ọrovwohwo jẹ Zayọn reyọ nure; ọ guọnerọ vwọ kẹ ẹdia rọye,

Une rẹ Ejiro 137:5

Ọ da dianẹ wọ chọrọ ovwẹ ẹro, E Jerusalẹm, gbe jẹn obọrhe mẹ sida!

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Aizaya 1:4

E, orere umwemwu ihwo ri kru orukuruku ghwa, uvwiẹ re iruimwemwu na, emọ re omwumwerhe na! Ayen sen Ọrovwohwo, ayen jẹn Ọfuanfon Ọvuọvo re Izrẹl na fia, a riẹriẹ ayen ghwru tototo.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 57:13

Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Urhi Rivẹ 32:17

Ayen ze izobo kẹ idẹbono re dia edjọ-ọ na, vwọ kẹ edjọ rẹ ayen jẹn riẹ-ẹn, vwọ kẹ edjọ kpopko re rhere na, e re esẹ rẹ ovwan djẹ oshọ kẹ na-a.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,