Aizaya 64:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Wo jẹ ophu mu we ganga-an, E Ọrovwohwo, wọ gbe karophihọ orukuruku bẹdẹ-ẹ. Nighe, roro nẹ, avwanre ihwo wẹn.

Aizaya 64:9 ပူးပေါင်းရင်းမြစ်များ

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

Une rẹ Ejiro 119:94

Mẹvwẹ ọwẹn, sivwi uvwe; kidie me guọnọ iji wẹn.

Une rẹ Ejiro 38:1

E Ọrovwohwo, ghwọ ku vwe ọ dia evun rẹ ophu wẹ-ẹn eyẹ wọ fa vwẹ vwẹ ivuemiovwo wẹ-ẹn!

Une rẹ Ejiro 6:1

E Ọrovwohwo, wọ ghwọ ku vwe vwẹ ophu wẹ-ẹn, eyẹ wọ fa vwẹ vwẹ ivuemiovwo wẹ-ẹn.

Une rẹ Ejiro 79:13

Etiyin avwanre ihwo wẹn, Igegede rẹ egbri wẹn, ke sa vwẹ ẹkpẹvwẹ kẹ wẹ bẹdẹ; nẹ uvwiẹ re te uvwiẹ avwanre ki se kere ejiro wẹn.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 60:10

Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.

Jerimaya 10:24

Kpọvwẹ vi, E Ọrovwohwo, vwẹ ọvwata wẹn; ọ dia ophu wẹ-ẹn, wo de ru uvwe phihọ odiodi.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 44:21

Vwọ kẹ insẹns re wa torhẹre vwẹ irere ri Juda vẹ irhuvwu ri Jerusalẹm ye, te owẹ vẹ esẹ rẹ ovwan te ivie rẹ ovwan vẹ isun rẹ ovwan, vẹ ihwo rẹ otọ na ejobi, Ọrovwohwo rha karo phihọ aye-en ọ rha djẹ ro udu rọye-e?

Uvwerhe 2:7

Ọrovwohwo na reyọ agbada rọye vwọ jehwẹ ọ da siẹn ẹshẹ rọye. O phi igbẹhẹ rẹ ighẹn rọye phihọ obọ rẹ ivwighrẹ rọye, Ọsẹghẹ de rhi she vwẹ uwevwi rẹ Ọrovwohwo kerẹ ẹdorẹ re bruru.

Uvwerhe 5:18

Kidie ugbenu ri Zayọn hirhe phihọ ofefe kẹ etiyin ẹrha dia de kọ.

Uvwerhe 5:20

Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Uvwerhe 5:22

Gbenẹ wọ siẹn avwanre tototo? Kẹ ophu wẹn ghine gan kpahe avwanre gangan?

Izikiẹl 29:16

Ihwo rẹ Izrẹl gbe vwẹ ẹro suọ ọfa bẹdẹ-ẹ, re ayen da karohọ orukuruku rayen, rẹ ayen da dje bru ayen ra nẹ ọ cha ayen uko. Etiyin ayen ke riẹn nẹ mẹvwẹ Ọrovwohwo Ọghẹnẹ na.

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Habakọk 3:2

E Ọrovwohwo, mi nyo iyẹnrẹ wẹn, iruo wẹn, E Ọrovwohwo, me djẹ oshọ rọye. Vwẹ uherevie rẹ ukpe na gba rhiọ; vwẹ uherevie rẹ ukpe na gba vwọ phia re a riẹn, vwẹ evun rẹ ophu biko karohọ arodọvwẹ.

Malakae 1:4

Idọm da ta nẹ, a guọghọ avwanre ẹkẹvuọvo avwanre cha bọn ẹdia rọ guọghọre na ejobi, Ọrovwohwo rẹ otuofovwi na tare nẹ, Ayen che ghine bọn, ẹkẹvuọvo mi che kporo kuotọ, bẹsiẹ rẹ ihwo vwo mu odẹ kẹ ayen nẹ orho rẹ iruimwemwu, ihwo rẹ Ọrovwohwo mu kpahe bẹdẹ.

2 Pita 2:17

Enana hẹ ito re kpọ yamu kugbe evwru rẹ ogiribo muẹ; kidie a rhanre okuku hwi na hẹrhẹ ayen.

Ẹvwọphia 20:10

idẹbono rọ phiẹn ayen na a da kparọ phi phihọ ẹtẹrhe rẹ erhanre kugbe ibiosio rẹ erhanre asan rẹ eranvwe na kugbe ọmraro rẹ ofian na epha, kẹ etiyin ayen da mrẹ odjadja te ason te uvo bẹdẹ bẹdẹ.