Aizaya 64:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 64:7 ပူးပေါင်းရင်းမြစ်များ

ỌBE RẸ JOB 10:9

Karohọ nẹ ọphiẹn wọ vwọ ma vwẹ; ku wọ rhọma hirhe uvwe kpo ekpẹn?

ỌBE RẸ JOB 8:4

Ọ da dianẹ emọ wẹn ru umwemwu kpahọ, ye o phi ayen phihọ obọ rẹ ogangan rẹ oruchọ rayen.

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 14:4

Ayen vwo ọhọ-ọ, ayen ejobi ri ruẹ umwemwu re ria ihwo mẹ kere ẹsiẹ ra re ikara, yẹ ayen gbi se Ọrovwohwo-o?

Ẹyano 32:12

Die sorọ rẹ ihwo rẹ Ijipt vwọ tanẹ Uvun umwemwu ọye ọ vwọ reyọ ayen rhe, rere o vwo hwe ayen vwẹ enu rẹ igbenu, rere ọ vwọ guọghọ ayen nẹ otọ rẹ akpọ na? Fue ophu ọrhorhorho wẹn na, rere wo je emu ọbrabra ru wo che vwo ru ihwo nana vwo.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 27:5

Eyẹrẹ gbe jẹn ayen vwẹ ẹro so ochọ mẹ, jẹn ayen vẹ ovwẹ rhuẹrẹ kugbe, jẹn ayen vẹ ovwẹ rhuẹrẹ kugbe.

Aizaya 45:9

Ekan kẹ ohwo ro nene ọ rọ marọ pharhe, ema ra mare vẹ ọmema. Ophiẹn kọ ta kẹ ọmema nẹ, Die wọ vwọ ma vwẹ? eyẹ nẹ, Iruo wẹn vwo obọ-ọ?

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 56:4

Kidie enẹ Ọrovwohwo tare ke otu re ọghwanra re yọnrọn ẹdidjala Mẹ, re je obo ri je vwe re yọnrọn ọphọ Mẹ kokoroko,

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 59:2

ẹkẹvuọvo imwemwu wẹn phi ohẹriẹ phihọ uvwre wẹn vẹ Ọghẹnẹ wẹn, umwemwu wẹn nẹrhẹ o si opharo rọye nu kẹ wẹ fiki rẹ ọtiọye na o gbi nyo-o.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Jerimaya 9:7

Ọtiọye na enẹ Ọrovwohwo rẹ otuofovwi na tare. Nighe, me cha fa ayen re me davwe ayen, kẹ ọvọ mi rhe ru, vwi fiki rẹ ihwo mẹ

Izikiẹl 22:30

Me da guọnọ ohwo vwẹ ohri rẹ ayen rere ọ bọn igbẹhẹ na rọ mudia vwẹ asan guọghọre rọ hẹ obaro mẹ vwẹ otọ na, rere mi vwo jẹ ẹguọghọ; ẹkẹvuọvo a mrẹ ọvuọvo-o.

Izikiẹl 24:11

Gbe mu ofefe rọye kpahe enu rẹ esia, rere ọ tuabọ, rere otọ rọye vwọ torhẹ, rẹ inuhu rọye vwọ wran vwẹ evun rọye, re ekagba rọye vwọ torhẹ.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

Hosia 7:7

Ayen ejobi rhorha kerẹ enyerhanre, ayen guọghọ ihwo ri sun ayen, Ivie rayen ejobi sheri, ayen ọvuọvo rhe kperẹ se vwe-e.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 2:10

O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?