Aizaya 64:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ We re vwanvwan kẹ ohwo rọ vwẹ aghọghọ ru iruo rẹ ọvwata, ihwo re karohọ owẹ vwẹ idjerhe wẹn. Nighere, ivun miovwo uwe, avwanre de ru imwemwu, avwanre dia evun rẹ imwemwu na krire-e, ke che sivwi avwanre?

Aizaya 64:5 ပူးပေါင်းရင်းမြစ်များ

Une rẹ Ejiro 103:17

Ẹkẹvuọvo ẹguọnọ ro je rhẹriẹ rẹ Ọrovwohwo na herọ rhiri bẹdẹ bẹdẹ vwe enu re otu re dje oshọ rọye, ọvwata rọye ne emọ ra ro emọ,

Une rẹ Ejiro 112:1

Jiri Ọrovwohwo na! Ebruphihọ kẹ ohwo rọ dje oshọ rẹ Ọrovwohwo, ro vwo omavwerhe rhuarho kpahe irhi rọye.

Une rẹ Ejiro 25:10

Idjerhe rẹ Ọrovwohwo ejobi ẹguọnọ ro jẹ rhẹriẹ vẹ uyota, vwọ kẹ ayen otu re yọnrọn ọphọ kugbe iseri rọye.

Une rẹ Ejiro 37:4

Jẹn oma rẹ Ọrovwohwo vwerhe owẹ kọ vwẹ obo rẹ udu wẹn guọnọre kẹ wẹ.

Ẹyano 20:24

Agbada rẹ ekpẹn ọye wo so kẹ vwẹ kẹ enu rọye we de ze izobo rẹ ẹtorhẹ vẹ izobo rẹ ufuoma, igodẹ wẹn vẹ irhuẹn wẹn; vwi kasan kasan re me da tanẹ a karohọ odẹ mẹ ejobi ki mi bru uwe rhe ki mi bruba kẹ wẹ.

Ẹyano 25:22

Etiyin kọye me vẹ owẹ da vwa oma, nẹ obenu rẹ akpanurhe rẹ arodọvwe na, nẹ uvwre ri chẹrobim ivẹ na re hẹ enu rẹ ekpeti rẹ iseri na, kẹ etiyin mi de nene uwe ta ota rẹ iji mẹ na ejobi re me vwọ kẹ ihwo rẹ Izrẹl na.

Ẹyano 30:6

Wo mi muo phihọ obaro rẹ oga rọ asan rẹ ekpeti rẹ iseri na epha na, vwẹ obaro rẹ akpanurhe rẹ arodọvwẹ na ro obenu rẹ ekpeti rẹ iseri na, asan re me vẹ owẹ da cha vwa oma na.

Aizaya 1:30

Kidie wọ cha dia kerẹ ọhahe rọ faẹbe, kerẹ ogba ro je ame vwo.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 26:13

E Ọrovwohwo Ọghẹnẹ rẹ avwanre, eghẹnẹ efa re dia owẹ-ẹ sun avwanre jovwo re, ẹkẹvuọvo odẹ wẹn ọvo avwanre rhọvwe phihọ.

Aizaya 27:8

Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Zekaraya 3:3

Ọke yena Joshua mudia vwẹ obaro rẹ amakashe na, ọ vwẹ iwun igbegbe rhuo.

Malakae 3:6

Kidie mẹvwẹ rẹ Ọrovwohwo na rhẹriẹ-ẹ; fiki rẹ ọtiọye na E emọ ri Jekọp, ọye e vwo jẹ ovwan eghwọrọ na.

Iruo rẹ Iyinkọn na 10:35

ẹkẹvuọvo vwẹ ẹgborho kẹgborho ohwo rọ djẹ oshọ rọye ro de ru obo ri shehọ ọye ọ reyọ.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.