Aizaya 64:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Uwevwi rẹ avwanre ọfuanfon yoyovwi na, asan rẹ ẹse avwanre de jiri uwe jovwo na, a vwẹ erhanre torhẹ, asan iyoyovwi rẹ avwanre ejobi na rhi hirhe phihọ erhurhu.

Aizaya 64:11 ပူးပေါင်းရင်းမြစ်များ

1 Ivie 8:14

Etiyin ovie de kuoma rhẹriẹ, ọ da nẹ ẹrhovwo kẹ ọghwẹgbe rẹ Izrẹl na ejobi, yẹ ọghwẹgbe rẹ Izrẹl ejobi mudia.

1 Ivie 8:56

Ebruba kẹ Ọrovwohwo rọ vwẹ omaerovwo kẹ ihwo rọye Izrẹl, kirobo ro veri ejobi; o vwo ọvuọvo ro she kufa vwẹ ive esiri rọye ejobi na-a, rọ wan oma ri Mosis odibo rọye ta.

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

2 Ikun rẹ Ivie 6:4

Ọ da ta, Ebruba kẹ Ọrovwohwo na, Ọghẹnẹ rẹ Izrẹl, rọ vwẹ obọ rọye ru gba obo rọ vwẹ unu rọye ve kẹ Devid ọsẹ mẹ, tanẹ,

2 Ikun rẹ Ivie 7:3

Ọke rẹ emọ rẹ Izrẹl ejobi vwọ mrẹ erhanre ro shotọ kugbe urinrin rẹ Ọrovwohwo vwẹ enu rẹ uwevwi na, ayen de gbe opharo phihọ otọ vwẹ enu rẹ umukpe na, ayen da ga ayen da vwẹ ẹkpẹvwẹ kẹ Ọrovwohwo na, tanẹ, Kidie o yoma, kidie ẹguọnọ rọye ro jẹrhẹriẹ dia bẹdẹ.

2 Ikun rẹ Ivie 7:6

Irherẹn na de mudia phihọ adia rayen; etiọye ji te ihwo ri Livae na rhe; vẹ ekuakua rẹ ihwehworo ri Devid ruru kẹ Ọrovwohwo rere a vwẹ ayen kpẹvwẹ Ọrovwohwo na–kidie ẹguọnọ rọye ro jẹrhẹriẹ dia bẹdẹ–kọke kọke ri Devid da vwẹ ayen jiro; yẹ irherẹn ri mudia hirhe aro ku ayen na re hworo ewanre; Izrẹl ejobi mi vrẹn mudia.

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Uvwerhe 2:1

Mavọ Ọrovwohwo vwọ vwẹ ophu rọye phi ọmọtẹ ri Zayọn phihọ otọ re egho! Obo odjuvwu o de phi erhuvwu rẹ Izrẹl teye akpọ na, Ọ gbe karohọ asan rọ ghwẹ awọ rọye phihọ vwẹ ẹdẹ rẹ ophu rọye-e.

Uvwerhe 2:7

Ọrovwohwo na reyọ agbada rọye vwọ jehwẹ ọ da siẹn ẹshẹ rọye. O phi igbẹhẹ rẹ ighẹn rọye phihọ obọ rẹ ivwighrẹ rọye, Ọsẹghẹ de rhi she vwẹ uwevwi rẹ Ọrovwohwo kerẹ ẹdorẹ re bruru.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Izikiẹl 24:25

Wẹ, ọmọ rẹ ohwo, vwẹ ẹdẹ ri mi vwo mie ayen ogba ọgangan rayen, aghọghọ kugbe urinrin rayen, kugbe ojevwe rẹ ibiẹro rayen kugbe ẹguọnọ rẹ udu rayen, ji kugbe emeshare vẹ emetẹ rayen,

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?

Matiu 24:2

Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,