Aizaya 64:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Aizaya 64:10 ပူးပေါင်းရင်းမြစ်များ

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

1 Ikun rẹ Ivie 23:5

Uriori ẹne re hẹrhẹ vwẹ inurhoro, uriori ẹne re vwẹ akpata so ejiro kẹ Ọrovwohwo.

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Uvwerhe 1:10

Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Uvwerhe 5:18

Kidie ugbenu ri Zayọn hirhe phihọ ofefe kẹ etiyin ẹrha dia de kọ.

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Hegae 2:3

Onọ ri chekọ vwẹ ọhri re ovwan rọ mrẹ uwevwi nana vwẹ erhuvwu rọye rẹ awanre? Komavọ wa rha mrẹ phihọ vwẹ asakiephana? Ọ rha họhọ emu diọdi vwẹ obaro rẹ ovwan?

Iyẹnrẹ Esiri ri Luk 21:21

Etiyin gbe jẹ otu re hẹ obi Judia djẹ kpo obo igbenu, gbe jẹn otu re hẹ evun rẹ orere na kua, e jẹn otu re hẹ obo otafe vwẹ obo orho vwẹriẹ-ẹ;

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.