Aizaya 64:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Mane kẹ wa bẹre odjuvwu na rẹ wo wotọ rhe rere igbenu na vwo kpogho vwẹ obaro wẹn–

Aizaya 64:1 ပူးပေါင်းရင်းမြစ်များ

Une rẹ Ejiro 46:6

Ẹgborho na ra họnra, uvie na ghwẹre ọ ta ota, akpọ na ejobi da wran re.

Une rẹ Ejiro 68:8

otọ na ko kpogho, odjuvwu da rhọ osio phihọ otọ, vwe obaro rẹ Ọghẹnẹ; abọ oboyi ri Sinae de kpogho vwẹ obaro rẹ Ọghẹnẹ, Ọghẹnẹ rẹ Izrẹl na.

Une rẹ Ejiro 79:10

Die ẹgborho na vwọ tanẹ, Tivọ Ọghẹnẹ rayen epha? Jẹn ihri ẹriọ re ọbara rẹ idibo wẹn ri hwẹ ku otọ a mrẹ vughe vwẹ obaro rẹ ẹgborhọ na!

Ẹyano 19:11

wa choma vwẹ ẹdẹ rerha; kidie ẹdẹ rerha ye Ọrovwohwo ko che worọ rhe enu rẹ Ugbenu ri Sinae vwẹ irharo rẹ ihwo na ejobi.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Aizaya 41:15

Nighere, Me cha kare uwuye kẹ wẹ, ọkpokpọ, dandan, re bru ako phihọ, ku wọ kporo igbenu na wọ me ghwọrọ ayen, ku wo ru igbenu itete na kerẹ iphopho,

Aizaya 63:15

Ki ni otọ nẹ obo odjuvwu rhe re wọ mrẹ, nẹ ẹdia ọfuanfon rẹ urinrin wẹn. Tivọ oruru wẹn vẹ ẹgba wẹn epha? Ẹrọerhe re udu wẹn kugbe ehrọre wẹn e si ayen nu kẹ vwẹ.

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Emọs 9:13

Nighere, ẹdẹ cha, eriyin Ọrovwohwo na tare, rẹ ovorivoro de che voro wan ihwo ri vuẹ orhọ rẹ ohwo ro chiyi edi da ra yan mu ohwo rọ kọn ibiedi, igbenu na ke cha djẹ ọkẹre rẹ udi rẹ ọmiẹmiẹ. igbenu rẹ itete na ejobi ki che hwerhe ọkẹre rọye.

Emọs 9:5

Ọrovwohwo na, Ọghẹnẹ rẹ otuofovwi na, ohwo rọ vwẹ obọ te akpọ na ọ me wran ihwo re dia evun rọye ejobi mi muoma phihọ, aye ejobi mi ku reghe reghe kerẹ Nile ọ me rha kpọ kerẹ Nile rẹ Ijipt;

Zekaraya 14:4

Vwẹ ẹdẹ yena awọ rọye ki che mudia enu rẹ Ugbenu rẹ Oliv rọ hẹ obaro ọnre vwi Jerusalẹm; Ugbenu rẹ Oliv kọ cha bẹre ẹbẹre ivẹ nẹ obaro ọnre re duvwu obuko ọnre ko vwo iyara rode na, eriyin re abọvo rẹ Ugbenu na ko bi kpo obọhwẹre ọnre, ẹbere rivẹ kẹ obọrhe ọnre.

Iyẹnrẹ Esiri ri Mak 1:10

Ro ghwe vwo nẹ evun rẹ ame na rhe siẹvuọvo na ọ da mrẹ odjuvwu ro rhie phihọ, Erhi kerẹ inekuku de rhi she muo;

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.