Aizaya 63:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Aizaya 63:9 ပူးပေါင်းရင်းမြစ်များ

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

ỌBE RẸ JOB 37:23

Ọrovwoẹgba na–avwanre sa mrẹ-ẹ; ọ rhoro vwẹ ogangan vẹ ọsoso, ọvwata rode na ọ chọ urhi-i.

Une rẹ Ejiro 25:22

Tan Izrẹl, E Ọghẹnẹ, nẹ evun rẹ ukpokpogho rọye ejobi.

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Ẹyano 14:19

Etiyin amakashe rẹ Ọghẹnẹ rọ ka obaro kẹ ihwo rẹ Izrẹl na de kpo obuko rayen; osunsun rẹ egho de nẹ obaro rayen rhi mudia obuko rayen,

Ẹyano 15:13

Wẹ vwẹ ẹguọnọ ro jẹrhẹriẹ wẹn vwo sun ihwo na re wọ tan hirhe, wẹ vwẹ ogangan wẹn vwo sun ayen kpo ẹdia ọfuanfon wẹn na.

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Ẹyano 33:14

Etiyin ọ da ta, Ekpuyovwi mẹ nene uwe ra, ke me kẹ wẹ urovwoma.

Ẹyano 33:15

Ọ da ta kẹ, O da dianẹ ekpuyovwi wẹn nene uvwe-e, wọ rha rọye avwanre nẹ etinẹ yanra-an.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Daniẹl 6:22

Ọghẹnẹ mẹ ji amakashe rọye rhi rhurhu inu rẹ ikpohrokpọ na, ayen gbe sa wanvwoma-a, fikiridie me re abe vwẹ obaro rọye-e, ọtiọye rhe ji te obaro wẹ, E ovie, mi ru obo re chọre-e.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Joẹl 2:18

Etiyin Ọrovwohwo da rhe rioma fiki rẹ otọ rọye, ọ da re ehrọre rẹ ihwo rọye.

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Matiu 25:45

Kọ ta kẹ ayen nẹ, Uyota me ta kẹ ovwan, kirobo we ruro kẹ ohwo ọvo vwẹ usun rẹ imoni mẹ na-a, we ruro kẹ vwẹ-ẹ.

Iyẹnrẹ Esiri ri Luk 15:5

Ọke rọ da mrẹ re, ko muo kpahe akoko, rọ ghọghọ.

Iruo rẹ Iyinkọn na 12:11

Pita da riẹn kẹ oma rọye, ọ da ta, Asakiephana o mu uvwe ẹro nẹ, Ọrovwohwo ri ji amakashe na rhe rhi sivwi uvwe nẹ obọ rẹ Herọd vẹ iroro rẹ ihwo ri Ju ejobi.

Iruo rẹ Iyinkọn na 7:38

Ọnana hẹ ohwo rọ hẹ evun rẹ ukoko na vwẹ evun rẹ aghwa na vẹ amakashe rọ ta ota kẹ vwẹ ugbenu ri Sinae, o vẹ esẹ rẹ avwanre; a da vwẹ ovuẹ ọkpokpọ kẹ nẹ ọ vwọ kẹ avwanre.

Iruo rẹ Iyinkọn na 9:4

O de she teye otọ o de nyo urhuru ọvo rọ ta kẹ, Sọl, Sọl, die sorọ wo vwo mu uvwe?

1 Kọrẹnt 10:9

Avwanre gbe davwe Ọrovwohwo nẹ-ẹ, kirobo rẹ evo rẹ ayen ruru rẹ eredekọ vwọ rhovwọ ayen hwe;

Urhi Rivẹ 1:31

kugbe evun rẹ aton, asan rẹ ovwan da mrẹ obo rẹ Ọrovwohwo Ọghẹnẹ rẹ ovwan na ghwa ovwan te, kirobo rẹ ọshare ghwa ọmọ rọye rẹ ọshare, vwẹ asan kasan rẹ ovwan rare ejobi, bẹsiẹye rẹ ovwan rhi vwo te etinẹ.

Urhi Rivẹ 4:37

Fikiridie ọ guọnọ esẹ rẹ ovwan, kọye ọ vwọ jẹ uvwiẹ rayen reyọ rẹ ayen vwo ghwu nu, ọ da vwẹ opharo rọye ji kugbe ogangan rọye rode na reyọ owẹ phia, nẹ Ijipt rhe;

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Hibru 2:18

Kidie fiki robo rẹ okpuyovwi rọye vwọ reoja ra vwọ davwọ ni, kọ je sa dia ọchuko kẹ ayen otu ra davwere.

Hibru 4:15

Kidie avwanre vwo orherẹn rode ro jẹ ọdavwẹ rẹ avwanre eriẹẹn, ẹkẹvuọvo ọ rẹ avwanre vwori na je vwẹ ohwo ra davwini devure kerẹ ekpuyovwi rẹ avwanre, yo ru umwemwu-u.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl