Aizaya 63:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Aizaya 63:7 ပူးပေါင်းရင်းမြစ်များ

1 Ivie 8:66

Vwẹ ẹdẹ rẹrenre o de siobọ nẹ ihwo na kpo; ayen da nẹ ẹrhovwo kẹ ovie na, ayen de kpo iwevwi rayen vẹ aghọghọ vẹ omavwerhovwẹ vwẹ udu rayen fiki rẹ emu esiri ejobi rẹ Ọrovwohwo ru kẹ Devid odibo rọye kugbe Izrẹl ihwo rọye.

2 Ikun rẹ Ivie 7:10

Vwẹ ẹdẹ uje gbe erha rẹ emeranvwe righwrẹ na o de siobọ nẹ ihwo na kpo vẹ omavwerhe vẹ aghọghọ vwẹ udu rayen fiki rẹ emuesiri rẹ Ọrovwohwo ru kẹ Devid kugbe Solomọn vẹ Izrẹl rẹ ihwo rọye.

Nehemaya 9:25

Ayen de mie ayen irere ra gba ogba phihọ kugbe otọ oyoyovwi, ayen da kua ro iwevwi re vọnre vẹ emu esiri, iphrophro rẹ ame ra tọn phihọ otọ, ogba ri vain, ọgbọ rẹ oliv ve irhe re mọ emamọ buebu, otiọye ayen da re, evun da vọn ayen ayen da rhe dia tubie tubie, oma da vwerhe ayen vwẹ emu esiri wẹ rode.

Nehemaya 9:27

Fiki rẹ ọtiọye na wo de phi ayen phihọ obọ rẹ ivwighrẹ rayen, i de ru ayen ọja, vwe evun re oja rayen ayen de kperi se we wo de nyo ayen ne obo odjuvwu rhe, kirobo re arodọvwẹ wẹn rode epha wọ da vwẹ isivwi kẹ ayen ri sivwi ayen nẹ obọ rẹ ivwighrẹ rayen.

Nehemaya 9:31

Dede na vwe evun rẹ arodọvwẹ wẹn rode na wo ghwe furhie ayen te oba-a eyẹ sen aye-en, kidie wọwẹ Ọghẹnẹ re ehrọre ve arodọvwẹ.

Nehemaya 9:35

Ayen ga wẹ vwẹ evun rọ uvie raye-en, vwe evun re evun esiri wẹn ri wo vwọ keẹ ayen, kugbe evun re otọ erhuarho yoyovwi ru wo bru kẹ ayen, ayen ji se kurhẹriẹ nẹ idjerhe nẹ iruo umwemwu rayen na-a.

Une rẹ Ejiro 103:2

Bruphihọ kẹ Ọrovwohwo, E erhi mẹ wo jẹ erere rọye chọrọ owẹ ẹro-o,

Une rẹ Ejiro 107:15

Jẹn ayen kpẹvwẹ Ọrovwohwo fiki re ẹguọnọ rọye ro je rhẹriẹ, fiki rẹ iruo re igbunu rọye ro ru ke ẹmo rẹ ihwo!

Une rẹ Ejiro 107:21

Jẹn ayen kpẹvwẹ Ọrovwohwo fiki rẹ ẹguọnọ rọye ro jẹ rhẹriẹ fiki rẹ iruo rẹ igbunu rọye ro ru kẹ emọ rẹ ihwo!

Une rẹ Ejiro 107:31

Jẹn ayen kpẹvwẹ Ọrovwohwo fiki rẹ ẹguọnọ rọye ro jẹ rhẹriẹ, fiki rẹ iruo re igbunu rọye ro ru kẹ emọ rẹ ihwo!

Une rẹ Ejiro 107:8

Jẹn ayen kpẹvwẹ Ọrovwohwo fiki re ẹguọnọ rọye ro je rhẹriẹ, fiki rẹ Iruo re igbunu rọye ro ru ke emọ re ihwo!

Une rẹ Ejiro 145:7

Ayen che gbe ikun buebu re usi rẹ erhuvwu wẹn, ke van so ine re ọvwata wẹn.

Une rẹ Ejiro 25:6

Karohọ arodọvwẹ wẹn na, E Ọrovwohwo, kugbe ẹguọnọ wẹn ro je rhẹriẹ, kidie ayen herọ nẹ awanre rhe.

Une rẹ Ejiro 51:1

Ni aruẹdọ mẹ, E Ọghẹnẹ, kerẹ ọtiobo rẹ ẹguọnọ ro jẹ rhẹriẹ wẹn bute, kerẹ ọtiobo re aruẹdọ wẹn bute, phoro ogbeku mẹ nu

Une rẹ Ejiro 63:3

Fikiridie ẹguọnọ wẹn ro jẹ rhẹriẹ na yovwi nọ arhọ, ẹbẹrunu mẹ ko jiri uwe.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Une rẹ Ejiro 92:2

vwo dje ẹguọnọ wẹn rọ je rhẹriẹ phia vwẹ irhiọke, esegbuyota wẹn vwẹ ọke rẹ ason,

Ẹyano 18:9

Oma da vwerhe Jẹtro fiki rẹ emu esiri ejobi rẹ Ọrovwohwo ru kẹ Izrẹl, ro vwo si ayen nẹ obọ rẹ ihwo rẹ Ijipt.

Aizaya 26:13

E Ọrovwohwo Ọghẹnẹ rẹ avwanre, eghẹnẹ efa re dia owẹ-ẹ sun avwanre jovwo re, ẹkẹvuọvo odẹ wẹn ọvo avwanre rhọvwe phihọ.

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 54:7

Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 64:5

We re vwanvwan kẹ ohwo rọ vwẹ aghọghọ ru iruo rẹ ọvwata, ihwo re karohọ owẹ vwẹ idjerhe wẹn. Nighere, ivun miovwo uwe, avwanre de ru imwemwu, avwanre dia evun rẹ imwemwu na krire-e, ke che sivwi avwanre?

Uvwerhe 3:32

ẹkẹvuọvo, owene ọ vwẹ oja riọ dede o ji ni arodọvwẹ kirobo rẹ ẹguọnọ rọye ro jẹrhẹriẹ na bute.

Hosia 2:19

Ke me rhoma sa wẹ otọ kẹ oma mẹ bẹdẹ; me sa wẹ otọ vwẹ ọ rẹ ọvwata vẹ ọsoso, vẹ ẹguọnọ esiri ro jẹrhẹriẹ vẹ arodọvwẹ.

Zekaraya 9:17

Ghine uyota, mavọ oyovwi te, mavọ o fẹro te! Emuọre cha nẹrhẹ imighene na rho, wain ọkpokpọ mi rhe ru emetẹ na rho.

Matiu 7:11

Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ?

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.