Aizaya 63:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Mi niri, ẹkẹvuọvo ọchuko herọ-ọ, ofu dje vwe, ẹkẹvuọvo o vwo ohwo rọ rhe yọnre ovwẹ-ẹ, Etiyin igbabọ mẹ ọvo keye kẹ vwẹ ọbọẹkparọ, ophu Mẹ kọye re yọnrọn ovwẹ.

Aizaya 63:5 ပူးပေါင်းရင်းမြစ်များ

Une rẹ Ejiro 107:12

Udu rayen de wurhu vẹ owian ọgangan, ayen de she, a gbe mrẹ ohwo ọvuọvo rọ sa kpare aye-en.

Une rẹ Ejiro 22:11

Wo sherẹ kẹ vwẹ-ẹ, kidie ukpokpogho kẹire o gbi vwo ohwo ọfa rọ chọ ochọ mẹ-ẹ.

Une rẹ Ejiro 44:3

kidie ọ dianẹ kẹ ogangan rẹ ọlọkọ rayen ayen vwo vwo otọ na-na, eye ke igbabọ rayen ayen vwo phi kparobọ-ọ, ẹkẹvuọvo obọrhe wẹn, kugbe igbabọ wẹn, kugbe urhukpẹ rẹ arhanre wẹn; kidie ivun re ayen vwehe owẹ

Une rẹ Ejiro 69:20

Ekan vwirhi udu mẹ, ọtiọye na iroro mẹ da rhan. Me guọnọ ehrọre, ẹkẹvuọvo me mrẹre-e ibruche, ẹkẹvuọvo me mrẹre kakaka-a.

Une rẹ Ejiro 94:16

Ono ri vrẹn nene uvwe vwọ so ihwo umwemwu? Ono ri mudia kẹ vwẹ vwọ so ihwo ebrabra?

Une rẹ Ejiro 98:1

E so une kẹ Ọrovwohwo une ọkpokpọ, kidie o ru imu re igbunu! Obọrhe rọye vẹ ugbobọ ọfuanfon rọye eye o vwo phi kparobọ.

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Aizaya 41:28

Ẹkẹvuọvo Mi vwo nu Etiyin Me gbe mrẹ ohwo ọvuọvo-o, Vwẹ usun rayen Me mrẹ ọvwiroro-o, rere, Me da nọ ọ kpahe ke vwẹ-ẹ.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 63:3

Mẹvwẹ ọvo kpoi ri chiyi okọ ri wain na, vwẹ usun rẹ ihwo na ohwo ọvuọvo vwọ ba vwẹ-ẹ, Mi chiyi ayen vwe evun rẹ ophu Mẹ mi de mi ayen vwẹ evun rẹ ivuemiovwo mẹ, ọbara re arhọ rọye na da sare ku iwun Mẹ, Me vwẹ ayen mu iwun Mẹ ejobi.

Izikiẹl 22:30

Me da guọnọ ohwo vwẹ ohri rẹ ayen rere ọ bọn igbẹhẹ na rọ mudia vwẹ asan guọghọre rọ hẹ obaro mẹ vwẹ otọ na, rere mi vwo jẹ ẹguọghọ; ẹkẹvuọvo a mrẹ ọvuọvo-o.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Iyẹnrẹ Esiri ri Jọn 16:32

Ọke cha, o rhe nu dede re, ra cha vwọ hra ovwan, kpo dohwo duwevwi rọye, ku we che ji vwe ọvo vwo, kidie Ọsẹ na vẹ ovwẹ herọ.

1 Kọrẹnt 1:24

ẹkẹvuọvo kẹ otu re seri, ihwo ri Ju kugbe ihwo ri Grik, Kristi hẹ ogangan rẹ Ọghẹnẹ kugbe aghwanre rẹ Ọghẹnẹ.