Aizaya 63:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 63:16 ပူးပေါင်းရင်းမြစ်များ

1 Ikun rẹ Ivie 29:10

Ọtiọye na Devid de bruphihọ kẹ Ọrovwohwo vwẹ irharo rẹ ọghwẹgbe na ejobi; Devid da ta, Ebruphihọ kẹ wẹ, E Ọrovwohwo, Ọghẹnẹ rẹ Izrẹl ọsẹ rẹ avwanre, rhiri bẹdẹ.

ỌBE RẸ JOB 14:21

Emọ rọye me rhe rho te ọghọ, jọ riẹnre-e, a vwẹ ayen hwaotọ, yo mrẹrẹ vughe-e.

Ẹyano 4:22

Ku wọ ta kẹ Fẹro, ‘Enẹ Ọrovwohwo tare, “Izrẹl hẹ ọmọkpako mẹ,

Aghwoghwo 9:5

Kidie ihwo ekpokpọ riẹnre nẹ ayen che ghwu, ẹkẹvuọvo ihwo ri ghwuru riẹn emu ọvuọvo-o, ayen rhe vwo osa-a, ẹkẹvuọvo ẹkarophihọ rẹ ayen ghwruru.

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 29:22

Vwẹ ọtiọye na enẹ Ọrovwohwo tare, ọ rọ tan Ebraham rhivwi, kpahe uwevwi ri Jekọp: Oma gbe vọ Jekọp bẹdẹ-ẹ, opharo rọye gbe fon mune mune ọfa-a

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 41:8

Ẹkẹvuọvo we, Izrẹl. odibo mẹ, Jekọp, re me jẹreyọ na, uvwiẹ rẹ Ebraham, ugbeyan mẹ.

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 45:11

Enẹ Ọrovwohwo tare, Ọfuanfon Ọvuọvo rẹ Izrẹl na, kugbe Ọ rọ marọ Wọ nọ vwẹ orhiẹn kpahe emọ mẹ, eyẹ ji urhi kẹ vwẹ kpahe iruo rẹ obọ mẹ?

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Jerimaya 3:23

Uyota igbenu na ghine ọphiẹvwẹ, Ukoko rẹ ozighi vwẹ enu rẹ igbenu ride na. Uyota vwẹ evun rẹ Ọrovwohwo Ọghẹnẹ rẹ avwanre ọye esivwo rẹ Izrẹl epha.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 2:10

O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?

Matiu 6:9

Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn.

Iyẹnrẹ Esiri ri Jọn 8:41

We ruẹ obo rẹ ọsẹ rẹ ovwan ruru. Ayen da ta kẹ, A vwẹ igberadja vwiẹ avwanre-e; avwanre vwo Ọsẹ ọvo, ọye Ọghẹnẹ.

Urhi Rivẹ 14:1

Ovwan emọ rẹ Ọrovwohwo Ọghẹnẹ rẹ ovwan. we bru oma rẹ ovwa-an, wa je wanre uyovwi phihọ orivwi-i.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!