Aizaya 62:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ ẹkẹvuọvo ihwo ri woro ayen koko keye re re ayen ayen ki jiri Ọrovwohwo, ihwo re ghwẹ ayen koko ke da ayen vwẹ ọguan rẹ ẹshẹ mẹ na.

Aizaya 62:9 ပူးပေါင်းရင်းမြစ်များ

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Aizaya 65:21

Ayen ke bọn iwevwi kẹ ayen dia evun rayen, ayen ke kọn ogba ri vain kẹ ayen re emamọ rọye.

Aizaya 65:22

Ayen gbe bọn rẹ ohwo ọfa da dia-a, ayen gbe kọn rẹ ohwo da riọ-ọ, kidie kirobo re ẹdẹ re urhe cha dia ọtiọye ẹdẹ rẹ ihwo Mẹ cha dia, ihwo Mẹ re Me jẹreyo na ke cha ghọghọ krekri vwẹ iruo re ayen vwẹ abọ rayen ru.

Jerimaya 31:5

Wọ cha rhoma kọn ogba ri vain vwẹ enu rẹ igbenu ri Samaria, ekekankọn cha kọn, ayen cha re emamọ na.

Izikiẹl 40:14

Ọ da vwanvwẹ ọguan rọ hẹ obaro na, kubit uje, ọguan rẹ obaro rẹ anurhoro na da riariẹ ọguan na phihọ.

Joẹl 2:26

Ku wọ cha mrẹ emu re buebu evun kọ vọn wẹ, ku wo jiri odẹ rẹ Ọrovwohwo Ọghẹnẹ wẹn, ro nene uwe yeri vwẹ idjerhe rẹ igbunu. Ihwo mẹ oma gbe cha vo ayen bẹdẹ-ẹ.

Zekaraya 3:7

E nẹ Ọrovwohwo re otuofovwi na tare. Wọ da yan vwẹ idjẹrhe Mẹ wọ da yọnrọn urhi Mẹ, ku wo sun uwevwi Mẹ ku wọ vwẹ ẹro te ọguan mẹ ke Me kẹ wẹ uphẹ vwẹ ohri rẹ otu ri mudia etinẹ na.

Urhi Rivẹ 12:12

Wa ghọghọ vwẹ obaro rẹ Ọrovwohwo Ọghẹnẹ rẹ ovwan na, wa vẹ emeshare rẹ ovwan, te emetẹ rẹ ovwan, te idibo rẹ ovwan rẹ eshare vẹ e re eya, vi Livae re hẹ orho rẹ ovwan, ro vwo ẹkẹn eyẹ ukuẹriọ tiobo we vwori na-a na.

Urhi Rivẹ 12:7

oboyi wa da re vwẹ obaro rẹ Ọrovwohwo Ọghẹnẹ rẹ ovwan, wa ke ghọghọ wẹ vẹ evwru uwevwi rẹ ovwan vwẹ evun rẹ emu rẹ ovwan ghwẹ obọ kpahe ejobi, vwẹ emu ejobi rẹ Ọrovwohwo Ọghẹnẹ de bruba kẹ wẹ.

Urhi Rivẹ 16:11

wọ Me ghọghọ vwẹ obaro rẹ Ọrovwohwo rẹ Ọghẹnẹ, wọwẹ vẹ ọmọ wẹn rẹ ọshare vẹ ọmọ wẹn rẹ aye, te odibo wẹn rẹ ọshare vẹ odibo wẹn rẹ aye, kugbe ohwo rẹ Livae rọ hẹ orere wẹn, te ọrhorha, vẹ ọmọphrorivwi, vẹ ayeuku rọ uherevie rẹ ovwan na, vwẹ asan rẹ Ọrovwohwo Ọghẹnẹ wẹn sanọre, nẹ odẹ rọye dia na.

Urhi Rivẹ 16:14

ovwan Me ghọghọ vwẹ orẹ rẹ ovwan na, wẹ vẹ ọmọ wẹn rẹ ọshare, kugbe ọmọ wẹn rẹ aye, odibo wẹn rẹ ọshare vẹ odibo wẹn rẹ aye, kugbe Livae, te ọrhorha, vẹ ọmọphrorivwi vẹ ayeuku re hẹ irere rẹ ovwan na.