Aizaya 62:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Aizaya 62:8 ပူးပေါင်းရင်းမြစ်များ

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 54:9

Kidie Ọnana họhọ ọke ri Noa kẹ vwẹ: kirobo Mi duvwu iyori nẹ ame ri Noa gbi se phoro akpọ na ọfa-a na, kẹ eriyin Mi duvwu iyori nẹ Mi gbi mu ophu wẹ bẹdẹ-ẹ. Me gbe harhe owẹ-ẹ

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Jerimaya 31:5

Wọ cha rhoma kọn ogba ri vain vwẹ enu rẹ igbenu ri Samaria, ekekankọn cha kọn, ayen cha re emamọ na.

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Izikiẹl 20:5

re wọ ta kẹ ayen, Enẹ Ọrovwohwo Ọghẹnẹ tare: Vwẹ ẹdẹ re me vwọ jẹ Izrẹl reyọ, mi de duvwu iyori kẹ evwruwevwi ri Jekọp, mi de dje oma mẹ kẹ ayen vwẹ otọ rẹ Ijipt, mi de duvwu iyori kẹ ayen, tanẹ, Mẹvwẹ Ọrovwohwo Ọghẹnẹ wẹn.

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Urhi Rivẹ 28:30

Wọ cha sa aye phihọ otọ, ohwo ọfa Me reyọ mie we; wọ cha bọn uwevwi, ye wọ cha dia evun rọye-e; wọ cha kọn ogba ri vain, yẹ wọ cha ria emamọ rọye-e.

Urhi Rivẹ 28:31

E che hwe erhuẹn wẹn vwẹ irharo wẹn, yo wọ cha riọ-ọ; e che fru ekẹtẹkẹtẹ reyọ vwẹ irharo wẹn yẹ e vwo rhivwi rhe we-e; a cha vwẹ igegede wẹn kẹ ivwighrẹ wẹn, yẹ a cha mrẹ ohwo rọ chọ wẹ-ẹ.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Urhi Rivẹ 32:40

Me kpare obọ mẹ kpenu, vwo se iyori, Kirobo Me herọ bẹdẹ na