Aizaya 62:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

Aizaya 62:6 ပူးပေါင်းရင်းမြစ်များ

Jẹnẹsis 32:12

Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.

Jẹnẹsis 32:26

Etiyin ọ da ta, Ju vwe kpo, kidie ọke ro rhie. Ẹkẹvuọvo Jekọp da ta, Mi se siobọ nu wẹ-ẹ, jokpa nẹ wọ nẹ ẹrhovwo kẹ vwẹ.

2 Ikun rẹ Ivie 8:14

Kirobo rẹ urhi ri Devid ọsẹ rọye epha, ọ da ghare irherẹn na phihọ ẹdẹdẹ rẹ ẹga rọye, ihwo ri Livae na phihọ ẹdẹdẹ re ine ẹsuọ vẹ ejiro vwọ kẹ irherẹn rẹ ẹga teri vwẹ ẹdẹ ọvuọvo kirobo ra guọnọre, erhẹrẹchẹ na vwẹ oghogharọ rayen vwọ kẹ ẹga rẹ anurhoro na; kidie ọtiọye Devid rẹ ohwo rẹ Ọghẹnẹ na ji urhi.

Une rẹ Ejiro 122:7

Ufuoma dia vwẹ evun rẹ igbẹhẹ wẹn, ofuvwegbe vwẹ evun rẹ ohẹrhẹ wẹn!

Une rẹ Ejiro 74:18

Karohọ ọnana, E Ọrovwohwo, obo re ọvweghrẹ na jehwẹ te, rẹ ihwo ri jẹfuọn vwọ harhe odẹ wẹn

Une rẹ Ejiro 74:2

Karohọ ukoko wẹn, ru wo vwori nẹ awanre rhe, ru wọ tan hirhe nẹ ọ dia orua rẹ uku wẹn! Karohọ Ugbenu ri Zayọn, asan ro wọ diare jovwo na.

Solomon 3:3

Orhẹrotọ na da mrẹ vwẹ, rẹ ayen vwọ yan vwẹ evun rẹ orere. Wọ mrẹ ohwo rẹ ẹnwẹn mẹ guọnọre na?

Solomon 5:7

Erhẹrotọ na da mrẹ vwẹ, re ayen vwọ yan vwẹ evun rẹ orere, Ayen de hwe vwe, ayen da wan vwẹ oma, Ayen da ghwiẹ ewun mẹ reyọ, otu re rhẹrẹ igbẹhẹ yena.

Aizaya 43:26

Karo phihọ ovwẹ, jẹn avwanre phraphro kugbe, gu ẹdjọ wẹn rhe, re vughe ase wẹn.

Aizaya 49:16

Nighere, Mi vi we phihọ ẹhẹrhobọ mẹ; igbẹhẹ wẹn he obaro Mẹ kọke kọke

Aizaya 52:8

Kerhọn rẹ ọrherotọ wẹn re kpare urhuru rayen kpenu, ayen ejobi re koko so ine; kidie ayen ohwohwo cha mrẹ ohwo ọke re Ọrovwohwo de che rhivwi rhe Zayọn.

Aizaya 56:10

Erhẹrẹotọ rọye rhuẹro, ayen ejobi vwo erianriẹ-ẹn, ayen ejobi eranko ri diunu, ayen sa gbọ-ọ; ayen shevwerhẹ, re vwerhe evwerhẹ, ovwerhe ayen guọnọ. ovwerhe ayen guọnọ.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Jerimaya 14:21

Fiki rẹ odẹ wẹn na, wo hwe avwanre-e, wọ rhaphiẹ ekete rẹ urinrin wẹn na-a; karohọ wo miovwo ọphọ wo nene avwanre re na-a.

Jerimaya 6:17

Me da vwẹ erhẹrotọ mu kẹ ovwan, ta nẹ, Kerhọn rẹ edo rẹ ọgban na! Ẹkẹvuọvo ayen tare nẹ, Ma cha kerhọ-ọn.

Uvwerhe 5:1

Karophihọ E Ọrovwohwo, obo re phia kẹ avwanre, gbe ni ophọphọvwe rẹ avwanre!

Uvwerhe 5:20

Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Iyẹnrẹ Esiri ri Luk 18:39

Ayen otu re hẹ obaro da ghwọ kuo, nẹ o rhurhu unu; ẹkẹvuọvo ọ da rhoma kperi gan nọ ọtiọye, Ọmọ ri Devid, ni arodọvwẹ mẹ!

Iruo rẹ Iyinkọn na 10:31

rọ tanẹ, Kọniliọs e nyo ẹrhovwo wẹn kugbe ẹse eruo wẹn a je karophihọ ayen vwo obaro rẹ Ọghẹnẹ.

Iruo rẹ Iyinkọn na 10:4

Ọ da tẹrovio vẹ uguegue, ọ da ta, Didi emu Ọrovwohwo? Ọ da ta kẹ, Ẹrhovwo wẹn kugbe ẹse wẹn rhi mudia họ ekarohọ vwẹ obaro rẹ Ọghẹnẹ.

1 Kọrẹnt 12:28

Ẹsosuọ Ọghẹnẹ da vwẹ iyinkọn mu vwẹ evun rẹ ishọshi rọye, ọrivẹ emraro, ọrerha iyono, o ki te iruiruo rẹ igbunu, o ki te isivwi ihwo, ichuko, isun isuesun ihwo re je ephẹrẹ sansan.

1 Tẹsalonaika 5:17

Nẹ ẹrhovwo kẹdẹ kẹdẹ.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?