Aizaya 62:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Aizaya 62:11 ပူးပေါင်းရင်းမြစ်များ

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 59:20

Kọ cha rhe Zayọn kerẹ Ọtan, bru otu ri Jekọp ri kurhẹriẹ nẹ ogbigbiru, eriyin Ọrovwohwo tare.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Matiu 21:5

Ta kẹ ẹmẹtẹ ri Zayọn, Nighe, ovie rẹ ovwan bru ovwan cha, Fuefu, ọ rọ gua vwẹ enu rẹ ẹkẹtẹkẹtẹ, upene rọyẹ.

Iyẹnrẹ Esiri ri Mak 16:15

Ọ da ta kẹ ayen, Ovwan yanran ro akpọ na ejobi, re ghwoghwo iyẹnrẹ esiri na ke ema na ejobi.

Iyẹnrẹ Esiri ri Jọn 12:15

A djẹ oshọ-ọ, ọmọtẹ ri Zayọn; nighe, ovie wẹn cha, o tidia vwẹ enu rẹ upene rẹ ekẹtẹkẹtẹ.

Urhi Rivẹ 30:4

Ọ da dianẹ ihwo ra djẹ kufia vwẹ usun rẹ ovwan na hẹ obo etan rẹ odjuvwu dede, Ọrovwohwo Ọghẹnẹ rẹ ovwan na cha ghwẹ ayen koko rhe, ọ cha reyọ ovwan nẹ oboyi rhe,

Ẹvwọphia 22:12

Nighe, me cha nanana, me vẹ osa mẹ, re me cha hwa kẹ ohwo ọvuọvo kirobo ro ruru.