Aizaya 62:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 62:10 ပူးပေါင်းရင်းမြစ်များ

Une rẹ Ejiro 24:7

Kpare iyovwi wẹn kpenu, E inurhoro! ja kpare ayen kpenu, E ẹchẹ rẹ awanre na! rere Ovie rẹ urinrin vwọ ro uwevwi.

Une rẹ Ejiro 68:4

So ine kẹ Ọghẹnẹ, so ejiro kẹ odẹ rọye; kpare une kẹ ohwo rọ gua vwẹ enu rẹ egho; odẹ rọye ọye Ọrovwohwo, ghọghọ vwẹ obaro rọye!

Ẹyano 17:15

Mosis da so agbada o de se odẹ rọye, Ọrovwohwo aphiana mẹ,

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 11:16

Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 18:3

Ovwan ihwo ejobi rẹ akpọ na ovwan rẹ dia akpọ na, Ra da kpare aphiana kpenu vwẹ enu rẹ igbenu gbe nọ! Re de hworo owanre, gbe nyo!

Aizaya 19:23

Vwe ẹdẹ yena idjerhe rode kọ cha dia nẹ Ijipt re te Asiria ihwo rẹ Asiria ke rhe Ijipt, ihwo re Ijipt ke re Asiria, ihwo re Ijipt kugbe Asiria ki kuomaghe ga vwe asan ọvo.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 35:9

Okpohrokpo ọvuọvo cha dia etiyi-in, eyẹ eranvwe rọ djoma ọvuọvo cha yan te etiyi-in, a cha mrẹ ayen vwẹ etiyi-in, ẹkẹvuọvo otu ra tan hirhe ọvo re cha yan vwọ.

Aizaya 40:3

Urhuru de kperi. Vwẹ evun rẹ aghwa, rhuẹrẹ idjerhe rẹ Ọrovwohwo, ru idjerhe rode phiọnphiọn phihọ evun rẹ aton kẹ Ọghẹnẹ rẹ avwanre.

Aizaya 40:4

Iyara kiyara na ejobi vọn kpenu, igbenu ride vẹ itete na ke kporo ayen te otọ, asan ogugunu ka phio kpọvi, otọ chochohri ka riẹriẹ kugbe.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 49:11

Ki mi che ru igbenu Mẹ ejobi phihọ idjerhe, idjerhe ride Mẹ ejobi ka vọnrhọn ayen kpenu.

Aizaya 49:22

Enẹ Ọrovwohwo rẹ Ọghẹnẹ tare , Nighere, Me riẹn obọ mẹ kpahe ẹgborho na, ke Me vwẹ oka Mẹ vi ke ihwo na; ayen ki mu emọ rayen phihọ agada rayen rhe, emetẹ wẹn ke mu ayen kpahe akoko rayen,

Aizaya 52:11

Yanran, yanran, yanran nẹ etiyin, wọ vwẹ obọ te emu ogbegbe-e; yan ne uherevie rọye, ru oma wẹn fon, ovwan ihwo re ghwa ekuakua rẹ Ọrovwohwo.

Aizaya 57:14

Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

Aizaya 60:11

Ke rhie anurhoro weẹ phihọ kẹse kẹse, te ason te uvo e gbi huhu aye-en; rere ihwo vwọ ghwẹ efe rẹ ẹgborho na rhe we, vẹ ivie rayen re tẹrẹ usun.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 4:6

Kpare aphiana vwo ni Zayọn, djẹ kẹ arhọ wẹn, wo muẹdia-a kidie me ghwa umiovwo nẹ obọhwẹre ọnre cha kugbe ẹghwọrọ rọde na.

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Matiu 22:9

Ovwan yanran kpo idjerhe ride na, re ohwo kohwo rẹ ovwan mrẹre, we se ayen rere ayen rhe re emu mẹ na.

Hibru 12:13

rere wa gbẹn idjerhe ọphiọnphiọn kẹ awọ rẹ ovwan, rere awo ri ghwuru vwo je sida ẹkẹvuọvo rere i vwo je sivwi.