Aizaya 62:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 62:1 ပူးပေါင်းရင်းမြစ်များ

Une rẹ Ejiro 137:6

Gbe jẹn ẹrẹnvwe mẹ ya mu vwe unu, ọ da dianẹ me karọhọ owẹ-ẹ,

Une rẹ Ejiro 51:18

Ru uyoyovwi ki Zayọn vẹ omavwerhe, rhoma bọn igbẹhẹ ri Jerusalẹm.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Aizaya 60:1

Vrẹn lo, kidie urhukpẹ wẹn rhire, urinrin rẹ Ọrovwohwo bẹre mu we re.

Aizaya 60:2

Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Zekaraya 2:12

Ọrovwohwo na kọ vwẹ Juda reuku kerẹ ẹkẹn rọye vwẹ otọ ọfuanfon na, kọ rhoma jẹ Jerusalẹm reyọ.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Iyẹnrẹ Esiri ri Luk 10:2

Ọ da ta kẹ ayen, orhọ na pha buebu, ẹkẹvuọvo otu rẹ iruo na gbi bu-n; a gba rẹ Ọrovwohwo ro vwo orhọ na ro ji otu rẹ iruo re vun orhọ rọye.

2 Tẹsalonaika 3:1

Ọ rọ ka oba, imoni, wa rẹ kẹ avwanre, rere ota rẹ Ọrovwohwo na vwọ yan hẹ obaro rọ kparobọ, kirobo ro ruru vwẹ ohri rẹ ovwan na.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.