Aizaya 61:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Aizaya 61:8 ပူးပေါင်းရင်းမြစ်များ

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

2 Samuẹl 23:5

E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

Une rẹ Ejiro 105:10

rọ ru gan ki Jekọp kerẹ iji, kẹ Izrẹl kerẹ ọphọ ri rhiri bẹdẹ,

Une rẹ Ejiro 11:7

Kidie Ọrovwohwo ọvwata, uruemu rẹ ọvwata ọ guọnọ, ohwo rẹ ọsoso cha mrẹ opharo rọye.

Une rẹ Ejiro 32:8

Mi dje kẹ wẹ mi yono uwe idjerhe ru wọ cha ra; Me nẹ wẹ iroro ẹro mẹ ko te we sun.

Une rẹ Ejiro 33:5

Ọ guọnọ ọvwata kugbe ọsoso; akpọ na ejobi vọnre vẹ ẹguọnọ re Ọrovwohwo ro je rhẹriẹ.

Une rẹ Ejiro 37:28

Kidie Ọrovwohwo guọnọ ọsoso, ọ cha sa sen ihwo efuanfon rọye na-a ọ sẹro rẹ ọvwata bẹdẹ, ẹkẹvuọvo emọ rẹ oruimwemwu ka nyavwe ayen kufia.

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Une rẹ Ejiro 50:5

Ghwe ihwo rẹ uyota mẹ na koko kẹ vwẹ, ihwo re vẹ ovwẹ gba vwe izobo rẹ ọphọ kugbe na!

Une rẹ Ejiro 62:10

Wọ vwẹ ẹro so ọghwanre-e, wo phiẹrohọ uji echo-o; efe de buẹ, wọ vwẹ udu wẹn kpahe aye-en.

Une rẹ Ejiro 99:4

Ovie ro vwo Egba, rọ guọnọ ọsoso, wọwẹ ri brorhiẹn abavo wọwẹ ri brorhiẹn ọsoso vẹ ọvwata vwi Jekọp.

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Isẹ 8:20

Me yan vwẹ idjerhe rẹ ọvwata, vwẹ idjerhe rẹ ọsoso,

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 5:16

Ẹkẹvuọvo Ọrovwohwo rẹ otuofovwi na kọye ọvo a kpare kpenu vwẹ ọsoso, Ọghẹnẹ Ọfuanfon na kọ vwẹ oma rọye phia ọfuanfon vwẹ ọvwata.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 56:1

E nẹ Ọrovwohwo tare Yọnrọn ọsoso, re wọ ru ọvwata, kidie nanana esivwo Mẹ cha rhe, ka cha vwẹ esivwo mẹ phia.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Izikiẹl 16:60

ye me je karohọ ọphọ mẹ re me vẹ owẹ rere vwẹ ọke rẹ imitete wẹn, ke me vẹ owẹ rhoma re ọphọ re rara.

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Malakae 1:13

Ọna kẹ ukpokpoma, eriyin ovwan ta na? We mi mua inwe phihọ ovwẹ, eriyin Ọrovwohwo rẹ otuofovwi na tare. Wo mu eranvwe rẹ ugborho rhe vwe, eyẹ ọ ro kpono eyẹ ọ rọ mwa ọga, kọna we vwo rhe vwe nẹ ẹkpẹvwẹ! Me gba reyọ ọyena mie we? eriyin Ọrovwohwo tare.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

2 Tẹsalonaika 3:5

E jẹ Ọrovwohwo sun udu rẹ ovwan kẹ ẹguọnọ rẹ Ọghẹnẹ rere ovwan mudia gan kẹ Kristi.