Aizaya 61:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 61:10 ပူးပေါင်းရင်းမြစ်များ

Jẹnẹsis 24:53

Odibo rọye da ghwẹ ejọrọ rẹ idọnọ kugbe oro, kugbe emwa, vwọ kẹ Rebeka; ọ da je kẹ iniọvo rọye kugbe oni rọye ekuakua rẹ osẹvwe ghaghare.

2 Ikun rẹ Ivie 6:41

Asakiephana gbe vrẹn, E Ọrovwohwo Ọghẹnẹ rere wo kpo asan rẹ omaerovwo wẹn, re owọwẹ te ekpeti rẹ ẹgba wẹn. Jẹn irherẹn wẹn, E Ọrovwohwo Ọghẹnẹ, vwẹ esivwo rhuo oma, gbe jẹn ihwo efuanfon wẹn ghọghọ vwẹ erhuvwu wẹn.

Nehemaya 8:10

Etiyin ọ da ta kẹ ayen, Wa yanran, re wa re ivwri re wa da udi re wa rha ghare ẹkẹn kẹ otu ra mrẹ chere kẹ-ẹ, kidie nonẹ na ẹdẹ ọfuanfon kẹ Ọrovwavwanre; wo je ivun miovwo ovwa-an, kidie aghọghọ rẹ Ọrovwohwo ọye hẹ ogangan rẹ ovwan.

ỌBE RẸ JOB 29:14

Mi de ku ọvwata phihọ, ọ de rhuọ vwe; orhiebro mẹ da họhọ adagha vẹ erhu.

Une rẹ Ejiro 132:16

Me vwẹ esivwo rhuo irherẹn rọye, ihwo efuanfon rọye ki kperi ukperi rẹ aghọghọ.

Une rẹ Ejiro 132:9

Jẹn a vwẹ ọvwata rhuo irherẹn wẹn, jẹn ihwo efuanfon wẹn kperi ukperi rẹ aghọghọ.

Une rẹ Ejiro 28:7

Ọrovwohwo ogangan mẹ kugbe ekpọfia mẹ; ọye udu mẹ vwẹ ẹro so, ọtiọye na ka cha vwẹ uko, udu mẹ ko ghọghọ, une mẹ kọye me vwọ kpẹvwẹ.

Une rẹ Ejiro 35:9

Etiyin erhi mẹ kọ ghọghọ vwẹ evun rẹ Ọrovwohwo, kọ ghoriẹ vwẹ evun rẹ esivwo rọye.

Solomon 1:10

Egban wẹn pha rhọrọrhọrọ vẹ ekuakua rẹ osẹnvwe wẹn, wọ gba ufi rẹ evwarha rẹ ivie mu ohọre.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 25:1

E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 49:18

Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

Aizaya 49:4

Ẹkẹvuọvo Me da ta, Me wian kufia, Me ghwọrọ ogangan mẹ kufia ghevweghe, dede na uyota uyoyovwi mẹ rhe Ọrovwohwo, osa ẹhwa mẹ rhe Ọghẹnẹ mẹ.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 58:14

ọke yena ku wo vwo avwerhe vwẹ evun rẹ Ọrovwohwo, ki Mi ru we vwọ gua vwẹ obenu rẹ akpọ na; ke Me vwẹ uku ri Jekọp ọsẹ wẹn vwọ ghẹrẹ owẹ, kidie unu rẹ Ọrovwohwo re tarọ.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Izikiẹl 42:14

Ọke re irherẹn na da ro asan ọfuanfon na, ayen se nẹ evun rẹ etiyin rhe re ro uphephẹ rẹ ọguan na-a jokpa nẹ ayen ku iwun rẹ ayen vwọ ga ẹga na phihọ otọ vwẹ etiyin tavwe, kidie enana pha fuanfon; ayen ki ku ewun efa phihọ tavwe rẹ ayen ki rhi sikẹre obo rẹ ihwo na vwori.

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Zekaraya 3:5

Me da ta, Jẹn ayen vwẹ ubierhu ọtantan tughẹ uyovwi rọye. Eriyin aycn da vwẹ ubierhu ọtantan tughẹ uyovwi rọye e de ku iwun rọye phihọ; ye amakashe rẹ Ọrovwohwo na mudia kẹrẹ.

Iyẹnrẹ Esiri ri Luk 15:22

Ẹkẹvuọvo ọsẹ na da ta kẹ idibo rọye, Jọphẹre ra reyọ adagba rhe, re kuo phihọ, ru we ku isa phihọ obọ, ku isabato phihọ awọ;

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 3:22

ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

Galesha 3:27

Kidie ovwan ejobi re reyọ ame vwẹ evun ri Kristi ku Kristi phihọ oma nure.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;

Ẹvwọphia 21:9

Etiyin ọvo vwẹ usun rẹ emakashe ighwrẹ na, ro vwo idjokpo ighwrẹ rọ vọnre vẹ etiekọ ighwrẹ re ka uko na, da ta ota kẹ vwẹ, nẹ, Yanrhe, me vwẹ Ọpha na nẹ wẹ, aye rẹ Omogodẹ na.

Ẹvwọphia 4:4

Ekete uje gbẹ ẹne da riariẹ ekete na phihọ. Me da mrẹ ekpako uje gbẹ ẹne ri tidia enu rẹ ekete na, ri ku iwun efuanfon phihọ, aye vwẹ erhu rẹ oro tughẹ.

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.