Aizaya 61:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 61:1 ပူးပေါင်းရင်းမြစ်များ

Une rẹ Ejiro 102:20

ro de nyo irhivwẹ rẹ ihwo ri uwodi, re e siobọ nẹ ihwo re brorhiẹn rẹ ughwu hwe;

Une rẹ Ejiro 147:3

O sivwẹ ohwo rẹ udu rọye vwirhiri, ọ gba era rayen.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!

Une rẹ Ejiro 25:9

O suẹn ihwo dẹndẹn phihọ idjerhe rẹ esiri, o mi yono ihwo dẹndẹn phihọ Idjerhe rọye.

Une rẹ Ejiro 34:18

Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Une rẹ Ejiro 51:17

Izobo re Ọghẹnẹ reyọ vwonẹ ọye erhi rọ guọghọre; udu rọ guọghọre kugbe udu ọfuanfon, E Ọghẹnẹ, wo sian otu nana-a

Une rẹ Ejiro 68:7

E Ọghẹnẹ, ọke wọ da karo kẹ ihwo wẹn, ọke wo de chiyi wan evun rẹ aghwa,

Une rẹ Ejiro 69:32

Jẹn ohwo re shenyẹ mrẹ rọ ghọghọ, wẹ rọ guọnọ Ọghẹnẹ, jẹn udu wẹn sasa.

Ẹyano 28:41

Wo mi ku ayen phihọ Erọn rẹ ọniọvo wẹn, ọ vẹ emeshare rọye re vẹ ọye gba herọ, wọ me vwẹ ori ghworo ayen wo mu obọ kpahe ayen ru wo ru ayen fon, rere ayen ga vwẹ kerẹ irherẹn.

Ẹyano 29:7

Wọ me reyọ ori re vwo ghworo na vwo ghworo uyovwi.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 42:7

rere o rhie ẹro ri rhuru, rọ reyọ ihwo re muru nẹ uwodi rhe, rọ reyọ ihwo re hẹ evun rẹ ebri rhe.

Aizaya 48:16

Si kẹre ovwẹ, nyo ọnana; nẹ otọ rhe Me je ta ota vwẹ odjahọ-ọ, nẹ ọke rọ vwọ herọ rhe ye Me herọ nure. Asakiephana Ọrovwohwo Ọghẹnẹ ri ji vwe kugbe Erhi rọye.

Aizaya 49:9

rọ ta ke ihwo re he uwodi na nẹ, Yan phia, vwọ kẹ ihwo re hẹ ebri na, Vwẹ oma phia. Ayen cha re emu yan vwẹ oma re idjerhe na, vwe enu rẹ igbenu phrẹphrẹphrẹ na ejobi kẹ etiyin egbri cha dia,

Aizaya 52:7

Mavọ awọ rayen yovwi te vwẹ enu rẹ igbenu na ayen ihwo re ghwa ikun esiri na rhe, ri ghwoghwo ufuoma, rọ ghwa ikun esiri oyoyovwi, ri ghwoghwo esivwo, rọ ta kẹ Zayọn, Ọghẹnẹ wẹn herọ ria uvie.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 57:18

Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Jerimaya 34:8

Ota ro nẹ obọ rẹ Ọrovwohwo bru Jẹrimaya rhe, vwẹ ọke rẹ ovie Zẹdikaya vwo nene ihwo ri Jerusalẹm ejobi re ọphọ nu vwo ghwoghwo ufuoma kẹ ayen nu,

Jerimaya 52:33

Eriyin na Jehoiachin de ku iwun rẹ uwodi rọye kufia. Kẹdẹ kẹdẹ rẹ akpọ rọye kọye ọ vwọ re emu vwẹ emẹjẹ rẹ ovie na.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Hosia 6:1

Amọ, re rhivwi bru Ọrovwohwo kidie ọ bẹrẹ avwanre nure ko sivwi avwanre; O bru ora phihọ avwanre rere ọ rha gban.

Livitikọs 7:35

Ọnana ẹkẹn ro te Erọn vẹ emọ rọye vwẹ oma rẹ izobo ra torhẹ kẹ Ọrovwohwo na, re ru fon kẹ ayen vwẹ ẹdẹ rẹ a vwẹ ayen mu irherẹn nẹ ayen ga Ọrovwohwo,

Maika 3:8

Ẹkẹvuọvo vwọ kẹ vwẹ, evun mẹ vọnre vẹ ogangan, vẹ erhi rẹ Ọrovwohwo na, vẹ ọsoso vẹ ẹgba, mi che vwo ghwoghwo ogbeku ri Jekọp kẹ kugbe umwemwu rẹ Izrẹl kẹ.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Matiu 3:16

Ọke ra vwọ vwẹ ame kẹ Jesu nu, o de wotọ nẹ ame rhe; e vwo ni, odjuvwu de rhie phihọ, ọ da mrẹ Erhi rẹ Ọghẹne kerẹ ilekuku de woto rhe, ọ da rhan muo.

Iyẹnrẹ Esiri ri Luk 7:22

Ọ da kpahe kẹ ayen, Yanran wa ra vuẹ Jọn obo rẹ ovwan mrẹre kugbe obo rẹ ovwan nyori. irhuẹro mrẹ orẹ, ikpono yanre, ihunvwoti e sivwi ayen, idierhọn nyẹme, a rhọvwọ irivwi, e gbe ikun esiri na ke ivwiogbere.

Iyẹnrẹ Esiri ri Jọn 1:41

Ọye ka mrẹ oniọvo rọye Saimọn, ọ da ta kẹ, Avwanre mrẹ Mesaya na re (otọ rọye Kristi).

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iruo rẹ Iyinkọn na 4:27

Ghinẹ nyota vwẹ orere nana ayen de sioma koko vwọ so odibo wẹn ọfuanfon na Jesu, ru wọ vwẹ evwri ghworo na, ri Herọd kugbe Pọntiọs Pailet, vẹ Keferi na kugbe ihwo rẹ Izrẹl,

2 Kọrẹnt 3:17

Asakiephana Ọrovwohwo na hẹ Erhi na, asan rẹ Erhi rẹ Ọrovwohwo na epha, etiyin egbemọphẹ epha.

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

Hibru 1:9

Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.