Aizaya 60:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Urogho rẹ iyesi ko rhurhu we pitiki, upene re iyesi ri Midian kugbe Ephah, otu ri Sheba ejobi cha rhe. Ayen cha ghwẹ oro vẹ adjija rhe, ayen ke che ghwoghwo urinrin rẹ Ọrovwohwo.

Aizaya 60:6 ပူးပေါင်းရင်းမြစ်များ

Jẹnẹsis 10:7

Emọ ri Kush Seba, Havilah, Sabta, Raama, kugbe Sabteka. Emọ ri Raama Sheba kugbe Dedan.

Jẹnẹsis 25:13

Enana edẹ rẹ emọ rẹ Ishmael, re vwiẹri ohwohwo kpahe ohwo: Nebaioth, ọmọ ọkpako rẹ Ishmael, kugbe Kedar, Adbeel, Mibsam,

1 Ivie 10:2

Ọ vẹ usun rode gbrigbrigbri gbe rhi te Jerusalẹm, ọ vẹ kamẹl re ghwa ogẹn, kugbe oro buebu, vẹ ibieragha eghaghare; ọke ro rhi vwo te asan ri Solomọn, ọ da ta obo rẹ hẹ udu rọye ejobi kẹ.

Ivie rẹ Ivẹ 8:9

Ọtiọye na Hazẹl da ra ra vwa, ọ da reyọ ekẹ vwo nene oma, eka rẹ emu esiri ri Damaskọs ejobi, oghwa ri kamel ujuvẹ. Ọke ro rhi vwo mudia kẹrẹ, ọ da ta, Ọmọ wẹn Bẹnhadad ovie ri Siria ọye ji vwe bru we rhe, tanẹ, Mi se vrẹn nẹ emiavwe nana?

1 Ikun rẹ Ivie 1:33

Emọ ri Midian: Efah, Ẹfar, Hanọk, Abida vẹ Eldaah. Ena ejobi ihwo ri nẹ orua ri Kẹtura rhe.

2 Ikun rẹ Ivie 9:1

Asakiephana ovie aye ri Sheba vwo nyo usi ri Solomọn ọ da rhe Jerusalẹm rhe vwẹ enanọ egangan vwọ davwọ ni, ọ vẹ usun ri tue nene kugbe kamẹl re ghwa oghwa rẹ egẹn vẹ oro buebu kugbe ibieragha esiri. Ọke rẹ ayen vwo te asan ri Solomọn, ọ da ta obo ri rhere vwẹ udu ejobi kẹ.

Une rẹ Ejiro 67:4

Jẹn oma vwerhe ẹgborho na ri so ine rẹ aghọghọ, kidie wo guẹdjọ rẹ ihwo abavo wo suẹn ẹgborho re akpọ na

Une rẹ Ejiro 72:10

Jẹn ivie ri Tarshish kugbe i ri ibrotọ na gba arhọghọ jẹn ivie ri Sheba kugbe Sẹba phare ọko rhe!

Une rẹ Ejiro 72:15

E jọ dia tọn, e ja vwẹ oro ri Sheba vwọ kẹ! E ja nẹ ẹrhọvwọ kẹ kọke kọke rere e bruba kẹ vwẹ ẹdẹ na ejobi!

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Izikiẹl 27:22

Ineki ri Sheba kugbe Raamah vẹ owẹ chueki; ayen da vwẹ omamọ rẹ egẹ ri gbo ọnrhe ororo vwo wene oghwa rẹ eki wẹn, kugbe ibieragha re ma ghanre, kugbe oro.

Zẹfanaya 3:10

Nẹ abọ oboyi rẹ irhie rẹ Itiọpia ihwo re rẹ vwẹ na, ọmọtẹ rẹ ihwo mẹ re hrabọ na, ke cha vwẹ ẹkpẹvwẹ rhe vwe.

Zekaraya 14:16

Eriyin na ohwo kohwo rọ rhọre vwẹ ẹgborho re vwọ so Jerusalẹm ejobi me yanran kukpe kukpe ra ga Ovie na, Ọrovwohwo rẹ otuofovwi na, ọ me re orẹ rẹ egarivi na.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 2:11

Ayen da ro uwevwi na, ayen da mrẹ ọmọ na kugbe Meri rẹ oni rọye, ayen de diguẹ ayen da vwarọ, ayen de rhie ekpo rayen, ayen de ru ẹse kẹ, ọvo kẹrẹ oro, ọrivẹ adjija ọrerha ugboduma.

Ọbe ri Pọl si rhe Ihwo ri Rom 15:9

Rere otu ri Keferi vwọ mrasan vwẹ urinrin kẹ Ọghẹnẹ fiki rẹ aruẹdọn rọye. Kirobo re siro, Fiki rẹ eriyin na ki mi jiri uwe vwẹ ohri ri Keferi ke me so une kẹ odẹ wẹn;

Urhi Rivẹ 32:43

We jiri ihwo rọye, ovwan ẹgborho na; fikiridie ọ choja rẹ ọbara rẹ idibo rọye ọ da re ihri vwẹ enu rẹ ivwighrẹ rọye ra vwọ rhuẹrẹ arhuẹrẹ kẹ otọ rẹ ihwo rọye.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Iguẹdjọ 6:5

Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.

Iguẹdjọ 7:12

Ihwo ri Midian kugbe ihwo rẹ Amalẹk kugbe ihwo rẹ obaro ọnre ejobi da tẹrẹ usun nene iyara na kerẹ ebaka kidie ayen pha buebu; iyesi rẹ ayen e se kere-e, otu rẹ ayen da dia buebu kerẹ ehavwo rẹ orhoma rẹ urhie.