Aizaya 60:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin ayen ke cha mrẹ ke ayen sa edada rẹ elo, udu wẹn kọ vọn vẹ omavwerhe vẹ aghọghọ; fikiridie oburhubu rẹ abadi na ejobi ki rhivwi bru uwe, efe rẹ ẹgborho na ki che bru we rhe.

Aizaya 60:5 ပူးပေါင်းရင်းမြစ်များ

Une rẹ Ejiro 119:32

Me djẹ nene idjerhe rẹ irhi wẹn vwẹ ọke wọ da hẹrẹ erianriẹn mẹ phihọ!

Une rẹ Ejiro 34:5

No, opharo wẹn kọ sasa, eriyin na oma gbe sa vo opharo wẹ-ẹn.

Aizaya 23:18

Oghwa rẹ ẹki rọye kugbe osa ra hwa kẹ ejobi ke ru ayen fon kẹ Ọrovwohwo; a gbe de ghwẹ ayen koko eyẹ mu ayen nyẹ-ẹ, ẹkẹvuọvo oghwa rẹ eki rọye kọ vwẹ emuọre kugbẹ emwa iyoyovwi vwọ kẹ ihwo re dia obaro rẹ Ọrovwohwo

Aizaya 54:2

Nabọ hẹre ẹgbẹ rẹ utughẹ wẹn, gba hẹre amwa rẹ evun wẹn rọ she rhurhu, wo sio kpuko-o, riẹn ufi wẹn wọ vwẹ ogangan kẹ uchivwo wẹn.

Aizaya 60:11

Ke rhie anurhoro weẹ phihọ kẹse kẹse, te ason te uvo e gbi huhu aye-en; rere ihwo vwọ ghwẹ efe rẹ ẹgborho na rhe we, vẹ ivie rayen re tẹrẹ usun.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Matiu 25:16

Ọ rẹsosuọ da vwẹ igho rọye cho eki ọ da mrẹ erere rẹ ikpahọ iyori ọfa vwẹ enu rọye.

Iruo rẹ Iyinkọn na 10:45

Otu ri segbuyota ri nẹ ohri rẹ ihwo re yanvwere re vi Pita gba rhe o de gbe ayen unu, fikiridie e ku okẹ rẹ Erhi Ọfuanfon na ku otu ri Keferi na rhe.

Iruo rẹ Iyinkọn na 11:17

Ọ da dianẹ Ọghẹnẹ kẹ ayen okẹ ọvo na kirobo rọ kẹ avwanre ri se Jesu Kristi gbuyota na, kono o mẹvwẹ ro se nene Ọghẹnẹ phraphrọ?

Iruo rẹ Iyinkọn na 24:17

Asakiephana rẹ ikpe evo vwọ wan nu ke me ghwa ọko kugbe okẹ vwo rhe ẹgborho mẹ.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Ọbe ri Pọl si rhe Ihwo ri Rom 15:26

Kidie ihwo ri Masidonia kugbe Akaya toro arhọghọ ni mi vwo rhe ivwiogbere re hẹ ohri rẹ ihwo efuanfon na vwẹ obi Jerusalẹm.

2 Kọrẹnt 10:15

Avwanre rha yan eyan vrẹn ọtiọye, vwẹ owian rẹ ihwo efa-a; ẹkẹvuọvo iphiẹrohọ rẹ avwanre ke ọna nẹ kirobo rẹ esegbuyota rẹ ovwan vwo buẹ na, ako rẹ owian rẹ avwanre vwẹ ohri rẹ ovwan kọ rhọ phihọ,

Urhi Rivẹ 33:19

Ayen che se ihwo kpo igbenu rayen; oboyi ayen de ze izobo rọ gbare; kidie ayen cha fiọnfiọn emu avwerhe rẹ urhie kugbe efe rọ djahere vwẹ evun rẹ ehavwọ,

Ẹvwọphia 21:24

Vwẹ urhukpẹ rọye ọye ẹgborho na cha vwọ yan; ivie rẹ akpọ na ke cha ghwẹ urinrin rayen ruọ,

Ẹvwọphia 21:26

ayen ke cha ghwa urinrin kugbe ọghọ rẹ ẹgborho na ruọ.

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.