Aizaya 60:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Unuwevwi ọvo ko hirhe phihọ ẹgborho, ọ rọ ma havwe ejobi kẹ ẹgborho rode, Mẹvwẹ he Ọrovwohwo na; vwẹ ọke rọye ki Mi ruo kpata kpata.

Aizaya 60:22 ပူးပေါင်းရင်းမြစ်များ

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 5:19

rọ tanẹ Jo ru phẹre, jo ru iruo rọye phẹre rere avwanre mrẹ; jẹn ẹguọnọ rọ udu rẹ Ọfuanfon Ovuọvo rẹ Izrẹl na bi te obonẹ, e jọ rhe, rere avwanre riẹn!

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 66:8

Ono ri nyo emu ọtiọna dẹvure? Onọ re mrẹ emu ọtiọna dẹvure? Ke se ru otọ na ro de vwiẹ vwẹ ẹdẹ ọvo? e se mu ẹgborho vwiẹ vwẹ ọke ọvuọvo? Kidie ri Zayọn ghwa vwọ chuẹ uvwiẹ o de ghwe vwiẹ emeshare rọye.

Daniẹl 2:35

etiyin te utehru na, ọphiẹn na, ẹrovwo na, idọnọ ọfuanfọn vẹ oro na, ayen ejobi de vwirhi ibribro, etiyin e da rhe dia kerẹ ivwuvwu ri tue kuotọ vwẹ okeuvo, etiyin odju de dju ayen kufia, a gbe mrẹ ivwuvwu rayen ọfa-a. Ẹkẹvuọvo oragha ro she teye oma na de rhi hirhe phihọ ugbenu rode ọ da rhe vọn otọ na ejobi.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Iruo rẹ Iyinkọn na 2:41

Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.

Iruo rẹ Iyinkọn na 5:14

Ihwo buebu efa nọ i ri jovwo ri segbuyota na da rhe vwẹ oma ba Ọrovwohwo, urogho rẹ eshare te eya,

Hibru 10:36

Kidie o fori re we chirako, rere we vwo se ru ọhọre rẹ Ọghẹnẹ re we vwo obo ro veri na.

2 Pita 3:8

Ẹkẹvuọvo ovwan sian uyota nana ọvuọvo-o, imoni, nẹ ẹdẹ ọvo vwẹ obọ rẹ Ọrovwohwo ọ họhọ ikpe uriori, ikpe uriori ọ họhọ ẹdẹ ọvo.

Ẹvwọphia 7:9

Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,