Aizaya 60:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

Aizaya 60:2 ပူးပေါင်းရင်းမြစ်များ

1 Ivie 8:11

Ọtiọye na irherẹn na gbi se mudia ga ẹga-a fiki rẹ egho na; kidie urinrin rẹ Ọrovwohwo na vọn uwevwi rẹ Ọrovwohwo na.

Une rẹ Ejiro 102:16

Kidie Ọrovwohwo cha bọn Zayọn, ọ cha phia vwẹ urinrin rọye;

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

Aizaya 2:5

E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Aizaya 4:5

Ọke yena Ọrovwohwo na kọ cha vwẹ ikoro vwe oghẹruvo, kugbe ivwirhi vẹ erhanre rọ la vwẹ ason, vwo rhurhu Ugbenu ri Zayọn ejobi kugbe ọwhegbe rẹ ihwo na, eharha rẹ efenudu ko che rhurhu urinrin na vẹ ọgarivi na.

Aizaya 58:10

ọ da dianẹ wọ ku oma wẹn phihọ otọ kẹ ihwo rẹ owẹvwe hwe rẹ evun da vọn ẹguọnọ re otu re hẹ ukpokpogho, ọke yena urhukpẹ wẹn ko che vrẹn vwẹ ẹvun rẹ ebri egho wẹn kọ cha dia kerẹ oghẹruvo.

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 66:11

rere wọ viẹ rere evun vọn wẹ vwe evie rọye rẹ ofuophu na, rere wọ da vọn vẹ omavwerhe nẹ obuebu rẹ urinrin rọye na rhe.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Izikiẹl 10:4

Urinrin rẹ Ọrovwohwo de mu kpenu nẹ asan sherobim re te ibara rẹ uwevwi na, uwevwi na da rhe vọn vẹ elo rẹ urinrin rẹ Ọrovwohwo na.

Livitikọs 9:23

Mosis vẹ Erọn da ro evun rẹ utughẹ ra da vwa oma na, rẹ ayen vwo nẹ evun rọye rhe ayen da nẹ ẹrhovwo kẹ ihwo na, Etiyin urinrin rẹ Ọrovwohwo da phia kẹ ihwo na ejobi.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Ukeri 16:19

Etiyin Korah da ghwẹ ukoko rẹ ihwo na ejobi koko vwọ so ayen vwẹ asan unu rẹ utughẹ ra da vwa oma na. Urinrin rẹ Ọrovwohwo da rhe phia kẹ ukoko na ejobi.

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

Matiu 23:19

Ovwan irhuẹro na; ọrhọ re marho, izobo gbenẹ agbada na ra vwẹ izobo na rhuẹre?

Matiu 23:24

Ovwan isun rẹ irhuẹro ri phorho iyẹn nẹ ame da, je ro ọsoso rẹ erhuẹn.

Iyẹnrẹ Esiri ri Jọn 1:1

Notọrhe ọye Ota na vwọ herọ, Ota na vẹ Ọghẹnẹ gba herọ, Ota na ye hẹ Ọghẹnẹ.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Iyẹnrẹ Esiri ri Jọn 8:55

Ẹkẹvuọvo ovwan je riẹ-ẹn; Me riẹnrẹ. Me da ta nẹ, Me riẹnrẹ-ẹ, mẹvwẹ kẹ ọvwọnrọn ofian kerẹ ovwan; ẹkẹvuọvo me riẹnrẹ me sẹro rẹ ota rọye.

Iruo rẹ Iyinkọn na 14:16

Vwẹ ọke rẹ awanre o de kuerhọfia kẹ ẹgborho buebu rere ayen nene idjerhe ro je ayen;

Iruo rẹ Iyinkọn na 17:23

Kidie re me vwọ wanvrẹn na, rẹ ẹro mẹ vwo kpo ekuakua rẹ ovwan gọ, me da mrẹ vwẹ enu rẹ agbada ọvo vẹ obo re si phihọ, Vwọ kẹ Ọghẹnẹ re jẹriẹn. Obo rẹ ovwan gọ ru we jẹriẹn na koye mi ghwoghwo kẹ ovwan na.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.