Aizaya 60:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Vwẹ ẹdia re odje ke Me kẹ wẹ oro, vwẹ ẹdia re utehru ke Me kẹ wẹn idọnọ, vwẹ ẹdia rẹ urhe, odje, vwẹ ẹdia re oragha, utehru. Ki Mi ru olori rẹ ovwan ufuoma onotu rẹ ovwan kẹ ọvwata.

Aizaya 60:17 ပူးပေါင်းရင်းမြစ်များ

1 Ivie 6:30

Utuwevwi rẹ uwevwi na ọ da vwẹ oro vwọ phare evun rẹ uvun rọ hẹ obo ẹtan kugbe e re hẹ obo uphephẹ.

Une rẹ Ejiro 147:14

O phi ufuoma phihọ ughwru wẹn, ọ da vwẹ omamọ rẹ ọka vọn wẹn evun.

Une rẹ Ejiro 72:3

Jẹn igbenu na bi oyouvwe rhe ihwo na, igbenu rẹ itete na, kẹ ọvwata!

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Daniẹl 11:20

Ohwo ọvo ko che mu vwẹ ẹdia rọye, ovwiosa rọ cha rhe vwẹ oma rẹ urinrin rẹ uvie na; ẹkẹvuọvo ẹmẹ ẹdẹ da wanu ka cha guọghọ; o dia ophu yẹrẹ ofovwi-i.

Hegae 2:8

Idọnọ efuanfon emẹ, oro je ghwa ọmẹ, eriyin Ọrovwohwo rẹ otuofovwi na tare.

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Hibru 11:40

rẹ Ọghẹnẹ vwọ ka mrẹ obo ri me yovwi kẹ avwanre na, nẹ ọ rha dia avwanre-e e gbi se ru ayen gba-a.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.