Aizaya 60:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Aizaya 60:14 ပူးပေါင်းရင်းမြစ်များ

Jẹnẹsis 27:29

Jẹn ihwo ga wẹ, irere ki shiguẹ kẹ wẹ. Ku wọ dia olori vwẹ enu rẹ iniọvo wẹn Jẹn emọ rẹ oni wẹn vwẹ uyovwi te otọ kẹ wẹ. Eka kẹ ohwo rọ harha owẹ Ẹrhovwo kẹ ohwo rọ nẹ ẹrhovwo kẹ wẹ.

Jẹnẹsis 42:6

Vwẹ ọke nana Josẹf kọye osun rẹ otọ na ejobi; ọye je ohwo rọ shẹ kẹ ihwo rẹ otọ na ejobi. Emesẹ ri Josẹf na da rhe, ayen de diguẹ bọvwọ epharo rhu otọ vwọ kẹ.

Une rẹ Ejiro 46:4

Urhie ọvo herọ rẹ ọkẹre rọye nẹrhẹ oma vwerha orere rẹ Ọghẹnẹ, ẹdia re ọfuanfon rẹ Ọro Me Kpenu.

Une rẹ Ejiro 48:2

Ugbenu ọfuanfon rọye, rọ kpare vẹ erhuvwu, ọye aghọghọ re akpọ na ejobi, Ugbenu ri Zayọn, rọ hẹ obenu shesheri, Orere rẹ Ovie rode na.

Une rẹ Ejiro 87:3

Ikun rẹ urinrin wẹn e gbe na, E orere rẹ Ọghẹnẹ.

Isẹ 14:19

Oruimwemwu diguẹ te otọ vwẹ obaro rẹ ohwo esiri, eriyin ohwo umwemwu ji ruẹ vwẹ anurhoro rẹ ohwo esiri na.

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Izikiẹl 36:15

mi gbi ji che ju we nyo ehwẹjẹ rẹ ẹgborho na ọfa-a, wọ gbe cha mrẹ omavovwẹ rẹ ihwo na ọfa-a, ayen gbi che ru ẹgborho wẹn she ọfa-a, eriyin Ọrovwohwo Ọghẹnẹ tare.

Izikiẹl 39:7

Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na.

Joẹl 3:8

Ke Me shẹ emeshare wẹn vẹ emetẹ wẹn ke emọ ri Juda, ayen ke rhoma she ayen kẹ ihwo ri Sabia, ẹgborho ro sheri gangan; kidie Ọrovwohwo tarọ nure.

Zẹfanaya 3:19

Nighẹ, vwẹ ọke yena ki mi hirhe opharo ku otu ri shenyẹ wẹ. Ki mi sivwi ukpono ki mi se otu ra djẹ kufia koko, ki mi wene omaevuọ rayen phihọ ejiro ki mi kperi usi vwẹ akpọ na.

Zekaraya 8:23

E nẹ Ọrovwohwo rẹ otuofovwi tare: Vwẹ ẹdẹ yena eshare ihwe che nẹ ẹgborho rẹ ephẹrẹ Kephere rhe cha yọnre ewun rẹ ohwo ri Ju, ta ne, Jẹn avwanre nene uwe, kidie Me nyori nẹ Ọghẹnẹ vẹ ovwan herọ.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Ẹvwọphia 14:1

Etiyin mi de ni, nighe, Omogodẹ na de mudia vwẹ Ugbenu ri Zayọn, ihwo uriori ujughwrẹ gbẹ ẹne re si odẹ rọye kugbe odẹ rẹ Ọsẹ rọye phihọ arhare rayen.

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.