Aizaya 60:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vrẹn lo, kidie urhukpẹ wẹn rhire, urinrin rẹ Ọrovwohwo bẹre mu we re.

Aizaya 60:1 ပူးပေါင်းရင်းမြစ်များ

Une rẹ Ejiro 102:16

Kidie Ọrovwohwo cha bọn Zayọn, ọ cha phia vwẹ urinrin rọye;

Une rẹ Ejiro 87:3

Ikun rẹ urinrin wẹn e gbe na, E orere rẹ Ọghẹnẹ.

Aizaya 2:5

E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Aizaya 24:23

Ọke yena emeranvwe kọ dia bisi bisi, ọnre na oma kọ cha vuọ, kidie Ọrovwohwo rẹ otuofovwi na cha re uvie vwe enu rẹ Ugbenu ri Zayọn vwi Jerusalẹm vwẹ obaro rẹ ekpako rọye ọ da vwe urinrm rọye phia

Aizaya 28:5

Vwẹ ẹdẹ yena Ọrovwohwo rẹ otuofovwi na ko dia erhu rẹ uvie rẹ urinrin, kugbe irhu rẹ erhuvwu, kẹ umuku rẹ ihwo rọye;

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 4:5

Ọke yena Ọrovwohwo na kọ cha vwẹ ikoro vwe oghẹruvo, kugbe ivwirhi vẹ erhanre rọ la vwẹ ason, vwo rhurhu Ugbenu ri Zayọn ejobi kugbe ọwhegbe rẹ ihwo na, eharha rẹ efenudu ko che rhurhu urinrin na vẹ ọgarivi na.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 62:2

Ẹgborho na ke cha mrẹ ase wẹn, ivie na ejobi kẹ urinrin wẹn, ka vwẹ odẹ ọkpokpọ se we rẹ unu rẹ Ọrovwohwo ọvo che se.

Aizaya 66:11

rere wọ viẹ rere evun vọn wẹ vwe evie rọye rẹ ofuophu na, rere wọ da vọn vẹ omavwerhe nẹ obuebu rẹ urinrin rọye na rhe.

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Izikiẹl 43:4

Rẹ urinrin rẹ Ọghẹnẹ vwo ro uwevwi rẹ ẹga na vwẹ anurhoro ro hirhe aro ku obaro ọnre.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Iyẹnrẹ Esiri ri Jọn 1:9

Urhukpẹ rẹ uyota rọ vwẹ elo kẹ ohwo kohwo rọ cha akpọ na.

Iyẹnrẹ Esiri ri Jọn 12:46

Me rhere kerẹ urhukpẹ vwẹ evun rẹ akpọ na, rere ohwo kohwo ro se vwe gbuyota vwo jẹ ebri ẹdia.

Iyẹnrẹ Esiri ri Jọn 3:19

Ọnana hẹ obruhwe na, nẹ urhukpe na rhe akpọ na nure, ihwo da guọnọ ebri jẹ urhukpe na vwo, fikiridie uruemu rayen ọbrabra.

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Filipae 2:15

rere we vwo jẹ abe ẹriọ rere we vwo jẹ ẹgua evwo, emọ rẹ Ọghẹnẹ ri vwo eka-an vwẹ uherevie rẹ uvwiẹ ogugunu chọchọ na, ohri rẹ ayen ovwan da la kerẹ urhukpẹ vwẹ akpọ na,

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.

Ẹvwọphia 21:11

o vwo urinrin rẹ Ọghẹnẹ, elo rọye da họhọ irhu rọ ma ghare, kerẹ ubioragha ro lo wrawra.

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.

Ẹvwọphia 22:5

Ason gbe cha dia ọfa-a; ayen gbe guọnọ orẹmrẹ rẹ urhukpẹ eyẹ ọnre-e, kidie Ọrovwohwo Ọghẹnẹ na kọ dia urhukpẹ rayen, ayen ke cha re bẹdẹ bẹdẹ.