Aizaya 6:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ O da ta, Yanran, ra ta kẹ ihwo nana: Enyo we nyo, ẹkẹvuọvo wa san riẹn otọ rọye-e; ẹmrẹ wa mrẹ, ẹkẹvuọvo we se vughe-e.

Aizaya 6:9 ပူးပေါင်းရင်းမြစ်များ

Isẹ 28:5

Ihwo ebrabra sa riẹn obo rẹ ọsoso epha-a, ẹkẹvuọvo otu re guọnọ Ọrovwohwo na riẹn otọ rọye gbagba.

Aizaya 28:13

Vwẹ ọtiọye na kẹ enẹ ota rẹ Ọrovwohwo cha dia kẹ ayen urhi kpahe urhi, urhi kpahe urhi, usi vwọ kpahe usi, usi kpahe usi, etinẹ emerha, etiyin emerha, rere ayen vwọ yanran, re she kpuko, kẹ ayen vwirhi, ufi ko mu ayen, ke mu ayen reyọ.

Aizaya 29:10

Kidie Ọrovwohwo ku erhi rẹ okpovwerhẹ ku we, o ki rhe rhurhu ẹro rẹ ovwan rẹ emraro na, o rhurhu iyovwi rẹ ovwan rẹ ọmrẹ na.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Aizaya 42:20

Ọ mrẹ imu buebu, ẹkẹvuọvo yo ni so-o, erhọn rọye rhieri, ẹkẹvuọvo jẹ o nyo ẹme-e

Aizaya 43:8

Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Izikiẹl 12:2

Ọmọ rẹ ohwo, wọ dia uherevie rẹ uwevwi ro muẹkpahe ihwo, ri vwo ẹro re vwọ mrorẹ, ẹkẹvuọvo ye mrorẹ-ẹ, ri vwo erhọn ri vwo nyo ẹme, yi nyo-o;

Hosia 1:9

Ọrovwohwo da ta, se odẹ rọye Ọdia-ihwo-mẹ-ẹ, fikiridie ovwan dia ihwo mẹ-ẹ, Me je dia Ọghẹnẹ wẹ-en.

Iyẹnrẹ Esiri ri Mak 4:12

re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.

Iyẹnrẹ Esiri ri Luk 8:10

ọ da ta, ''Ovwan a vwe rọ kẹ ne riẹn odjahọ rẹ uvie rẹ Ọghẹnẹ na; ẹkẹvuọvo ihwo efa itẹ kọyen e vwo kpe ke ayen, rere dede nẹ ayen mrẹ-ẹ, enyo ayen nyo jọ sa ro aye-en.

Iyẹnrẹ Esiri ri Jọn 12:40

Orhurhu ẹro rayen o de ru udu rayen gan, ayen da vwẹ ẹro rayen mrẹ orẹ ayen da vwẹ udu rẹ ayen vughe, ayen de kurhẹriẹ e de sivwi ayen.

Ọbe ri Pọl si rhe Ihwo ri Rom 11:8

kirobo re siro, Ọghẹnẹ da kẹ ayen erhi ri rhurhu, ẹro rere ayen jẹ orẹ ẹmrẹ erhọn rere ayen jẹ ẹme enyo rhiri rhi te nonẹ na.

Urhi Rivẹ 29:4

ẹkẹvuọvo rhi te nonẹ na Ọrovwohwo je kẹ ovwan iroro re vwo vughe-e, eyẹ ibiẹro ra vwọ mrẹ-ẹ, eyẹ erhọn re vwo nyo-o.