Aizaya 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Aizaya 6:5 ပူးပေါင်းရင်းမြစ်များ

Jẹnẹsis 32:31

Yẹ ọnre na ghwa vacha rọ vwọ wan Peniel, yọ sẹghrẹ owọ fiki rẹ ekpogho owọ rọye rọ rhoghrare na.

Une rẹ Ejiro 24:10

Kono Ovie rẹ urinrin na vwo? Ọrovwohwo rẹ otuofovwi na, ọye Ovie rẹ urinrin na.

Ẹyano 24:10

ayen da mrẹ Ọghẹnẹ rẹ Izrẹl; vwẹ obotọ rẹ awọ rọye umukpe ra teyere ro lo kerẹ oragha, rọ họhọ ekpuyovwi rẹ odjuvwu na fikiridie ofiotọ gangan.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Ẹyano 33:20

Ẹkẹvuọvo ọ da ta, Wọ sa mrẹ opharo mẹ-ẹ; kidie ohwo sa mrẹ vwẹ rọ da rho-ọ.

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Ẹyano 6:12

Ẹkẹvuọvo Mosis da ta kẹ Ọrovwohwo na, “Nighe, ihwo rẹ Izrẹl dede kerhọ mẹẹ; ko mavọ Fẹro sa vwọ kerhọ mẹ, ohwo re jẹn awẹrẹnvwe rọyen ebro na?

Ẹyano 6:30

Ẹkẹvuọvo Mosis da ta kẹ Ọrovwohwo, “Mẹvwẹ ohwo re jẹ awẹrẹnvwe rọyen ebro, kẹ mavọ Fẹro vwọ sa kerhọ mẹ?

Aizaya 24:16

Me nyo une rẹ ejiro nẹ oba rẹ akpọ na rhe, rọ vwe urinrin kẹ Ọvwata na Ẹkẹvuọvo me da ta, Mi vwiorore, Mi vwioro kufia Ekan kẹ vwe! Kidie ohwo ogbarogba na ji ruẹ emu ogbarogba, ohwo ogbarogba na ji ruẹ emu ogbarogba gangan

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 33:17

Ẹro wẹn kọ mrẹ ovie na vwẹ erhuvwu rọye; ke ayen che ni otọ ro riẹn yanran phei,

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Jerimaya 1:6

Ọye me da ta, E, Ọrovwohwo Ọghẹnẹ! Nighe me riẹn obo ra ta ota-a, kidie omotete mi ruẹ.

Jerimaya 51:57

Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Izikiẹl 12:2

Ọmọ rẹ ohwo, wọ dia uherevie rẹ uwevwi ro muẹkpahe ihwo, ri vwo ẹro re vwọ mrorẹ, ẹkẹvuọvo ye mrorẹ-ẹ, ri vwo erhọn ri vwo nyo ẹme, yi nyo-o;

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Daniẹl 9:20

Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Ukeri 17:12

Ihwo rẹ Izrẹl da kẹ Mosis, Nighere avwanre ghwe, fikiridie avwanre ghwruru, avwanre ihwo na ejobi ghwruru.

Iguẹdjọ 13:22

Manoa da ta kẹ aye rọye nẹ, Avwanre ghine che ghwu, kidie avwanre mrẹ Ọghẹnẹ nure

Iguẹdjọ 6:22

Etiyin Gidiọn ke riẹn nẹ amakashe rẹ Ọrovwohwo o ruẹ; Gidiọn da ta nẹ, Ghwo, E Ọrovwohwo Ọghẹnẹ! Kidie Me vwẹ ẹro mrẹ opharo rẹ amakashe rẹ Ọrovwohwo na nure.