Aizaya 6:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Aizaya 6:3 ပူးပေါင်းရင်းမြစ်များ

Ezra 3:11

Ayen da so ine ohwohwo kuo kẹ ohwohwo, ine rẹ ejiro vẹ ẹkpẹvwẹ kẹ Ọrovwohwo, Kidie o yoma, Kidie eguọnọ rọye ro jẹrhẹriẹ na herọ bẹdẹ kpahe Izrẹl Ihwo na ejobi de kperi ukperi ọgangan, rẹ ayen vwo jiri Ọrovwohwo na, fikiridie e mu uchivwo rẹ uwevwi rẹ Ọrovwohwo na vi nure.

Une rẹ Ejiro 57:11

Kpare oma wẹn kpenu, E Ọghẹnẹ, vrẹn idjuvwu na! Jẹn urinrin wẹn dia enu rẹ akpọ na ejobi!

Une rẹ Ejiro 66:2

So urinrin rẹ odẹ rọye; vwẹ ejiro rẹ urinrin vwọ kẹ!

Une rẹ Ejiro 72:19

Ebruphihọ kẹ odẹ rẹ uririn rọye bẹdẹ, e jẹn urinrin rọye vọn akpọ na ejobi, Isẹ, Isẹ.

Une rẹ Ejiro 8:2

vwẹ unu rẹ imitete vẹ emọfofa, wọwẹ ke egbe fiki rẹ ivwighrẹ wẹn, re wo vwo fue ọvweghre kugbe ọreihri.

Une rẹ Ejiro 90:16

Jẹn iruo wẹn phia kẹ idibo wẹn mrẹ, urinrin re ogangan wẹn kẹ emọ rayen.

Une rẹ Ejiro 97:6

Idjuvwu na ghwoghwo ọvwata rọye; ihwo na ejobi ke mrẹ urinrin rọye.

Une rẹ Ejiro 99:3

Jẹn ayen jiri odẹ wẹn rode ro muoshọ na! Ọfuanfon ọye ọ epha!

Une rẹ Ejiro 99:9

Jiri Ọrovwohwo na Ọghẹnẹ rẹ avwanre, ga vwẹ ugbenu ọfuanfon rọye, kidie Ọrovwohwo Ọghẹnẹ rẹ avwanre na ọfuanfon!

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Aizaya 24:16

Me nyo une rẹ ejiro nẹ oba rẹ akpọ na rhe, rọ vwe urinrin kẹ Ọvwata na Ẹkẹvuọvo me da ta, Mi vwiorore, Mi vwioro kufia Ekan kẹ vwe! Kidie ohwo ogbarogba na ji ruẹ emu ogbarogba, ohwo ogbarogba na ji ruẹ emu ogbarogba gangan

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Izikiẹl 43:2

Nighere, urinrin rẹ Ọghẹnẹ rẹ Izrẹl de lo nẹ obaro ọnre rhe, umri rẹ edo rẹ ẹcha rọye da họhọ edo rẹ ame buebu, akpọ na de rhi lo vẹ urinrin rọye.

Izikiẹl 44:4

Etiyin ọ da vwẹ ovwẹ wan anurhoro rọ hẹ obọhwẹre ọnre vwẹ obaro rẹ uwevwi rẹ ẹga na, mi de ni, nighe, urinrin rẹ Ọrovwohwo na, mi de she bọvwọn opharo rhuotọ.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Zekaraya 14:9

Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.

Ukeri 14:21

ẹkẹvuọvo vwẹ ọ rẹ uyota, kirobo re me herọ na, kirobo rẹ akpọ na ejobi cha vọn vẹ urinrin rẹ Ọrovwohwo na,

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.