Aizaya 6:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Emakashe de mudia obaro rọye; ọvuọvo vwọ ibekpe esan, ọ vwẹ ivẹ rhurhu opharo, ọ vwẹ ivẹ rhurhu awọ, ivẹ kọye ọ vwọ rhan.

Aizaya 6:2 ပူးပေါင်းရင်းမြစ်များ

Jẹnẹsis 17:3

Ebram de she bọvwọ opharo rhuotọ, Ọghẹnẹ da ta kẹ,

1 Ivie 19:13

Ọke rẹ Ilaija vwo nyo, ọ da vwẹ okpan rọye vwo rhurhu opharo rọye o de re mudia vwẹ unu rẹ emwa na. Nighere, urhuru de bro rhe, ọ da ta, Die wo ruẹ vwẹ etinẹ, Ilaija?

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

1 Ivie 6:24

Kubit iyori ọye ugrogro rẹ ibekpe ri shẹrub ọvuọvo, kubit iyori kọye rha hẹ ugrogro rẹ ibekpe rivẹ ri shẹrub na; nẹ oba rẹ ibekpe ọvo re te ọrivẹ da dia kubit ihwe.

1 Ivie 6:27

O de phi shẹrobim na phihọ obo ẹtan rẹ uwevwi na; shẹrobim na da bẹrẹ ibekpe na ọtiọye na ẹroro rẹ ibekpe ọvo de re duvwu igbẹhẹ ọvo, ibekpe ri sherub ro chekọ de rhe te igbẹhẹ rẹ ẹbẹre rivẹ; ibekpe rayen ivẹ de rhe te ohwohwo vwẹ uherevie rẹ ubruwevwi na.

1 Ivie 8:7

Kidie shẹrobim na bẹrẹ ibekpe rayen sa asan ekpeti na, ọtiọye na shẹrobim na ko rhurhu ekpeti na vẹ ekpọghọ rọye.

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

ỌBE RẸ JOB 1:6

Asakiephana ẹdẹ ọvo kọ herọ rẹ emọ rẹ Ọghẹnẹ vwọ rhe, rhe vwẹ oma phia kẹ Ọrovwohwo, Ẹdjọ da je rhe ohri rayen.

ỌBE RẸ JOB 15:15

Nighe, Ọghẹnẹ vwẹ ẹro so otuefuanfon rọye na-a, idjuvwu na je fọn vwẹ obaro rọye-e;

ỌBE RẸ JOB 4:18

Vwevwe rẹ idibo rọye na ọ sa vwẹ ẹro so aye-en, ọ je mrẹ oruchọ vwẹ obọ rẹ emakashe rọye;

Une rẹ Ejiro 103:20

Bruphihọ kẹ Ọrovwohwo, E ovwan emakashe rọye, ovwan egba rọye ri ruẹ obọ re ota rọye tare, ri nyo urhuru rẹ ota rọye!

Une rẹ Ejiro 104:4

rọ vwẹ odju na ru ọyinkọ wẹn, erhanre vẹ ogiderhanre kẹ igbodibo wẹn

Une rẹ Ejiro 18:10

Ọ gua vwẹ enu ri chẹrub, ọ da rhan; ọ da rhe kpata kpata vwẹ enu rẹ ibekpe rẹ odju.

Une rẹ Ejiro 89:7

Ọghẹnẹ ra dje oshọ rọye vwẹ ukoko re ihwo efuanfon wẹn, rọ rhoro ro mu oshọ nọ ayen ejobi rẹ riarierẹ phihọ?

Ẹyano 25:20

Chẹrobim na ke riẹn ibekpe rayen phihọ obenu, ayen me vwẹ ibekpe rayen rhurhu akpanurhe rẹ arodọvwe na, ayen mi hirhe opharo ku ohwohwo; epharo ri chẹrobim na ivivẹ na ki ni akpanurhe re arodọvwe na.

Ẹyano 3:6

Ọ da ta, “Mẹvwẹ Ọghẹnẹ rẹ ọsẹ wẹn, Ọghẹnẹ rẹ Ebraham, Ọghẹnẹ rẹ Aizik vẹ Ọghẹnẹ rẹ Jekọp.’’ Etiyin Mosis de si opharo rọye nu, fikiridie oshọ ro vwo ni Ọghẹnẹ muro.

Ẹyano 37:9

Chẹrobim na da bẹre ibekpe rayen sa obenu, uhoho rẹ ibekpe rọye de rhurhẹ akpanurhe rẹ arodọvwẹ na, ayen de hirhe epharo ku ohwohwo; akpanurhe rẹ arodọvwẹ na kọye epharo ri chẹrobim na nẹ.

Aizaya 6:6

Etiyin ọvo vwẹ usun rẹ emakashe na da rhan bru vwe rhe, ọ vẹ umwerhanre weiwei vwẹ obọ rọ vwẹ ahwa mu nẹ agbada na rhe.

Izikiẹl 1:11

Ọtiọye epharo rayen epha. Ibekpe rayen da riẹn kpenu; eranvwe ọvuọvo vwo ibekpe ivẹ, ibekpe rẹ ọvuọvo de te ibekpe rẹ ọrivẹ, ibekpe ivẹ de rhurhu oma rayen.

Izikiẹl 1:24

Ọke rẹ ayen da yan, ki mi nyo edo rẹ ibekpe rayen na kerẹ edo rẹ ame buebu, kerẹ agbrara rẹ Ọrovwoẹgba na, edo rimrẹrimrẹ kerẹ edo rẹ otuofovwi, vwẹ ọke rẹ ayen de mudia fọ gbiẹi, ayen mi phi ibekpe rayen na phihọ otọ.

Izikiẹl 1:4

Mi vwo no, nighe, odju rẹ ogiribo ro nẹ obọhwẹre ọnre cha, vẹ egho rode, ọ vẹ orẹmrẹ ro lo riariẹ, vẹ erhanre rọ nyavwaro kọke kọke, vwẹ uherevie rẹ erhanre na, kerẹ esiẹ rẹ o lo kerẹ ẹrovwo.

Izikiẹl 1:6

ẹkẹvuọvo ọvuọvo de vwo epharo ẹne, ọvuọvo rọye de vwo ibekpe ẹne.

Izikiẹl 1:9

lbekpe rayen ohwohwo te ohwo; ayen ọvuọvo yan phiọnphiọn kpo obaro, e rhẹriẹ oma-a jẹ ayen yanran.

Izikiẹl 10:16

Ọke ri shẹrobim na da je owọ, idjuge na me yan nene akakọ rẹ ayen; ọke ri sherobim na da kpare ibekpe re vwọ rhan kpenu rẹ otọ na, idjuge na che kuoma rherie nene ayen vwẹ akakọ-ọ,

Izikiẹl 10:21

Ọvuọvo vwo epharo ẹne, ọvuọvo ibekpe ẹne, vwẹ obotọ rẹ ibekpe rayen na da họhọ abọ rẹ ohwo rẹ akpọ.

Daniẹl 7:10

Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Daniẹl 9:21

Ọke re me vwọ ta ota vwẹ ẹrhovwo re, ọshare na Gabriel, re me mrẹre vwẹ evwerhẹ vwẹ ẹsosuọ na, da rhan bru vwẹ rhe vwẹ ọke rẹ izobo rẹ ovwọnvwọn.

Zekaraya 3:4

Amakashe na da ta kẹ otu ri mudia vwẹ obaro rọye, Wa ghwiẹ iwun igbegbe na no oma. Ọ da ta kẹ, nighe, mi si orukuruku wẹn nẹ uwe oma, Me cha vwẹ omamọ rẹ amwa rhuo we.

Iyẹnrẹ Esiri ri Luk 1:10

Yẹ ihwo na ejobi diguẹ re nẹ ẹrhovwo vwẹ ọke ra vwo torhẹ insẹns na.

Hibru 1:7

Vwọ kpahe emakashe na ọ da ta, O de ru emakashe rọye phihọ odju, idibo rọye kẹ ẹkuerhanre rode.

Ẹvwọphia 14:6

Etiyin me da mrẹ amakashe ọfa rọ rhan vwẹ uherevie rẹ odjuvwu, ọ vẹ iyẹnrẹ esiri ri bẹdẹ na ro ghwoghwo kẹ ayen otu re dia akpọ na, kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo;

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

Ẹvwọphia 7:11

Yẹ emakashe na ejobi mudia riariẹ ekete na je riariẹ ekpako na kugbe eranvwe ekpokpọ ẹne na, ayen de she bọvwọn opharo rhuotọ vwẹ obaro rẹ ekete na ayen da gọ Ọghẹnẹ,

Ẹvwọphia 8:13

Mi vwo ni, mi de nyo umri rẹ ugo ro kperẹ gangan, rọ vwọ rhan vwẹ obenu, Eghwo, eghwo, eghwo kẹ ovwan otu re dia enu rẹ akpọ na, vwẹ umri rẹ ewanre efa rẹ emakashe erha na che hworo.