Aizaya 6:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Aizaya 6:11 ပူးပေါင်းရင်းမြစ်များ

Une rẹ Ejiro 74:10

Mavọ o krite, E Ọghẹnẹ, re ivwighrẹ vwọ jehwẹ te? ọvweghre na kọ va ku odẹ wẹn bẹdẹ?

Une rẹ Ejiro 79:5

Mavọ o krite, E Ọrovwohwo? Rẹ ivun vwo miovwo uwe bẹdẹ? Ophu rẹ omẹriọ wẹn kọ ton kerẹ erhanre?

Une rẹ Ejiro 90:13

Rhoma, E Ọrovwohwo! Mavọ okrite? Re ehrọre rẹ idibo wẹn!

Une rẹ Ejiro 94:3

E Ọrovwohwo, mavọ okrite re ohwo umwemwu, mavọ okrite re ohwo umwemwu vwọ kpare oma kpenu?

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 13:12

Ihwo ke cha kanrẹ nọ uvi rẹ oro, ihwo ki kanre nọ oro rẹ Ọfa.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 32:14

Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Jerimaya 22:6

Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 44:2

Enẹ Ọrovwohwo rẹ otuofovwi, Ọghẹnẹ rẹ Izrẹl, tare: Wa mrẹ umiovwo re me ghwarhe enu ri Jerusalẹm vẹ enu rẹ irere ri Juda ejobi, Nighe, none na ayen kẹ ofefe, ohwo rha dia aye-en,

Jerimaya 52:27

Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Izikiẹl 6:6

Kasan kasan wọ diare irere wẹn ke dia ifefe asan ri kpenu wẹn ke guọghọ, ọtiọye na egbada wẹn kọ dia ofefe ka guọghọ te otọ, ema wẹn ke vwirhi ibribro, egbada rẹ incẹns rẹ ovwan ka nyavwe ayen te otọ, iruo wẹn ejobi ke hwerhe ayen kufia.

Daniẹl 8:13

Etiyin mi de nyo ohwo ọfuanfon ọvo rọ ta ota kẹ ohwo ọfuanfon ọfa nẹ, Ọkevọ emramrẹ ra mrẹ kpahe izobo ẹtorhẹ rẹ kọke kọke na krite, ẹguegbe rọ nẹrhẹ asan kua fiotọ, kugbe ẹshẹ na ra cha guọghọ vẹ otu na re che chiyi muoto?

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.

Maika 2:4

Vwẹ ọke yena ka cha vwẹ une rẹ ehwẹjẹ vwọ so owẹ, kẹ ayen cha viẹ beroma gangan, tanẹ, Avwanre ghwruru tototo, o ku ẹkẹn rẹ ihwo mẹ rhẹriẹ, nighe obo ro siro nẹ uvwe obọ! O da ghare etọ rẹ avwanre kẹ otu ri mu avwanre.

Maika 5:11

ke Me guọghọ irere rẹ otọ wẹn kufia ki mi kporo egba ọgangan wẹn she;

Maika 6:13

Fiki rẹ ọtiọye na mi mu ovwan phihọ ẹteyọ re, ka kua ovwan fiotọ fiki rẹ umwemwu rẹ ovwan.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Urhi Rivẹ 28:62

Owenẹ ovwan vwo bu kerẹ isio rẹ obenu na, emerha tutuno krẹ ri che chekọ kẹ ovwan, fikiridie ovwan kerhọn rẹ urhuru rẹ Ọrovwohwo rẹ Ọghẹnẹ rẹ ovwan na-a.

Urhi Rivẹ 28:63

Kirobo ro je Ọrovwohwo ro vwo ru ovwan yovwi bu phihọ na, eriyin o ji je Ọrovwohwo ro vwo si emiovwo rhe ovwan rọ vwọ ghwọrọ ovwan, kọ djẹ ovwan kufia nẹ otọ rẹ ovwan ra dia na.