Aizaya 6:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ukpe rẹ Ovie Uzaya ghwuru na me da mrẹ Ọrovwohwo ro tidia phihọ enu re ekete, ro kpenu gogorogo, ejọjọ rẹ ewun rọye da vọn ọgua na.

Aizaya 6:1 ပူးပေါင်းရင်းမြစ်များ

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

Ivie rẹ Ivẹ 15:7

Azaraya da rha vwerhẹ kugbe esẹ rọye, e de sho kugbe esẹ rọye vwẹ orere ri Devid, Jotam ọmọ rọye da rhe re vwẹ ẹdia rọye.

2 Ikun rẹ Ivie 18:18

Makaiya da ta, Fiki rẹ ọtiọye na gbe nyo ota rẹ Ọrovwohwo na; me mrẹ Ọrovwohwo na ro tidia vwẹ enu rẹ ekete rọye, otu rẹ obo odjuvwu na ejobi de mudia vwẹ obọrhe rọye vẹ obọhwẹre rọye;

ỌBE RẸ JOB 42:5

Erhọn, diọdi mi vwo nyo we jovwo, ẹkẹvuọvo asakiephana ẹro mẹ mrẹ wẹ re.

Une rẹ Ejiro 108:5

Kpare oma wẹn kpenu, E Ọghẹnẹ, vrẹn idjuvwu na! Jẹn urinrin wẹn dia enu re akpọ na ejobi!

Une rẹ Ejiro 113:5

Onọ re họhọ Ọrovwohwo Ọghẹnẹ rẹ avwanre, ro tidia vwẹ obenu keneghe,

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

Ẹyano 24:9

Etiyin Mosis vẹ Erọn, Nadab vẹ Abihu, vẹ ekpako ujorha gbẹ ihwe rẹ Izrẹl de yeri kpenu;

Aizaya 1:1

Aroẹmre rẹ Aizaya ọmọ ri Amọz, rọ mrẹre kpahe Juda vi Jerusalẹm vwe ọke re Uzaya, Jotam, Ehaz kugbe Hẹzikaya, ivie ri Juda.

Aizaya 12:4

Ku wọ ta vwẹ ẹdẹ yena: Vwẹ ẹkpẹvwẹ kẹ Ọrovwohwo, se odẹ rọye; ghwoghwo uruemu rọye kẹ irere na ejobi, ghwoghwo nẹ e mu odẹ rọye kpenu.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 66:1

Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Izikiẹl 1:1

Vwẹ ukpe rẹ ọgban, vwẹ emeranvwe rẹne, vwẹ ẹdẹ riyori rẹ emeranvwe na, re me vwọ hẹ usun rẹ otu re muru na vwẹ oma rẹ urhie ri Keba, idjuvwu na de rhie phihọ, Me da mrẹ emramrẹ rẹ Ọghẹnẹ.

Izikiẹl 10:1

Etiyin mi de ni, nighere, vwẹ o bi irharheghe rọ hẹ obenu rẹ uyovwi ri shẹrobim na emu ọvo de yoro phia vwọ kere oragha ro lo, rọ họhọ ekete.

Izikiẹl 10:4

Urinrin rẹ Ọrovwohwo de mu kpenu nẹ asan sherobim re te ibara rẹ uwevwi na, uwevwi na da rhe vọn vẹ elo rẹ urinrin rẹ Ọrovwohwo na.

Daniẹl 10:17

Komavọ mẹvwẹ rẹ odibo rẹ Ọrovwovwe ru ta ota kẹ Orovwovwe? Kidie asakiephana ogangan gbi rhe vwe-e, ẹnwẹn gbi ji chekọ vwẹ evun mẹ-ẹ.

Daniẹl 7:9

Mi vwo no, a da ghan ekete phihọ etiyin ọvo rọ herọ nẹ awanre rhe de tidia; ewun rọye kọ fuan popo kerẹ imicho, ẹton rọ hẹ uyovwi rọye kọ epha kerẹ oruru, ekete rọye, kerẹ erhanre rọ la gidigidi idjugẹ rọye kerẹ erhanre rọ la.

Ukeri 12:8

Me vẹ ọye ohwo hirhe unu ku ohwo ta ota, phephẹn ọ dia eta ikokodo-o; o de rhie ẹro mrẹ oma rẹ Ọrovwohwo. Die sorọ rẹ oshọ vwo jẹ ovwan emuo rẹ ovwan vwọ ta ota kpahe odibo mẹ Mosis?

Matiu 25:31

Ẹkẹvuọvo ọke rẹ Ọmọ rẹ ohwo da cha rhe vwẹ urinrin, vẹ emakashe rọye, kọ che tidia vwẹ ekete rẹ urinrin rọye.

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Iyẹnrẹ Esiri ri Jọn 12:41

Aizaya ta ọnana fikiridie ọ mrẹ urinrin rọye ọ da ta ota kpahọ.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Ẹvwọphia 15:8

uwevwi rẹ ẹga na da vọn vẹ ivwirhi ro nẹ urinrin rẹ Ọghẹnẹ na rhe kugbe ogangan rọye, ohwo ọvuọvo rha sa ro uwevwi rẹ ẹga na-a bẹsiẹ rẹ ọtiekọ ighwrẹ rẹ emakashe ighwrẹ na vwo vwo oba.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

Ẹvwọphia 4:10

ekpako uje gbẹ ẹne na ki she diguẹ vwẹ obaro rẹ ohwo ro tidia vwẹ enu rẹ ekete na kẹ ayen gọ ohwo rọ rhọre bẹdẹ bẹdẹ na; ayen ke kpare erhu rayen phihọ obaro rẹ ekete na, ke so une tanẹ,

Ẹvwọphia 4:2

Siẹvuọvo na me da hẹ evun rẹ Erhi na, mi vwo ni, ekete ọvo de mudia vwẹ obo odjuvwu, ohwo ọvo de tidia vwẹ enu rẹ ekete na!

Ẹvwọphia 4:3

Ohwo ro tidia na da họhọ ubioragha ro lo wrowro, aphoro de mu riariẹ ekete na phihọ ro vwara rhururhuru kerẹ efenudu.

Ẹvwọphia 4:9

Kọke kọke rẹ eranvwe ekpokpọ na da vwẹ urinrin kugbe ọghọ kugbe ẹkpẹvwẹ vwọ kẹ ohwo ro tidia vwẹ enu rẹ ekete na, rọ rhọre bẹdẹ na,

Ẹvwọphia 5:1

Vwẹ obọrhe rẹ ohwo ro tidia vwẹ enu rẹ ekete na, me da mrẹ ọbe ọvo e siro vọn te obuko te obaro, a vwẹ usiaphrẹ ighwrẹ kanrọ;

Ẹvwọphia 5:7

ọ da yanran ra reyọ ọbe na nẹ obọrhe rẹ ohwo ro tidia vwẹ enu rẹ ekete na.

Ẹvwọphia 6:16

ri bunu se igbenu na kugbe eragha na, Shenyẹ avwanre re wo si avwanre nu kẹ opharo rẹ ohwo ro tidia vwẹ enu rẹ ekete na, ji kugbe ophu rẹ Omogodẹ na;