Aizaya 59:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Aizaya 59:4 ပူးပေါင်းရင်းမြစ်များ

ỌBE RẸ JOB 15:31

E jọ vwẹ ẹro kpahe ofefe, rọ phiẹn omobọ rọye-e; kidie ofefe na re cha dia osa rọye.

ỌBE RẸ JOB 15:35

Ayen mrevun rẹ ọkon ayen de vwiẹ umiovwo, udu rayen ra rhuẹrẹ ọphiẹnvwe kpahe.

Une rẹ Ejiro 12:3

E jẹn Ọrovwohwo bru unu ro bru avwavwe ejobi kufia, kugbe ẹrenvwe rọ yeyan rẹ okpemu ride,

Une rẹ Ejiro 62:10

Wọ vwẹ ẹro so ọghwanre-e, wo phiẹrohọ uji echo-o; efe de buẹ, wọ vwẹ udu wẹn kpahe aye-en.

Une rẹ Ejiro 62:4

Iroro re ayen vwo gere she nẹ asan rode ro epha ayen jẹ na. Oma rẹ efian ẹvwọrọ vwerha ayen. Ayen vwẹ unu re ayen nẹ ẹrhovwo, ẹkẹvuọvo yẹ ayen vwẹ evun duvwu iyori

Une rẹ Ejiro 7:15

O bru ọgọdọ, ọ da nabọ ghwẹ fia, o de she ro ukpotọ rẹ ọye ọvo tọnre na.

Isẹ 4:16

Kidie ayen rhe ru umwemwu-u ovwerhẹ sun aye-en; jokpa nẹ ayen sun ohwo ọvo ghwru kẹsiẹye ovwerhẹ ki sun ayen.

Aizaya 10:1

Ekan kẹ ihwo ri ji urhi re orukuruku, kugbe ihwo ri siẹ isiesi rẹ oshenyẹ,

Aizaya 26:18

avwanre chuẹ uvwiẹ, avwanre phreri ohwo rẹ avwanre vwiẹri na kẹ aphopho. Avwanre ru iruo rẹ esivwo ọvuọvo vwẹ akpọ na-a, ye ihwo re dia akpọ na ji she-e.

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 29:20

Kidie ihwo zizighi ejobi che hirhe phihọ emu diodi, otu rẹ e jehwẹ cha fọ, otu re rhẹrẹ re ivwo ru umiovwo e che bru ayen kufia,

Aizaya 30:12

Eriyin na enẹ Ọfuanfon Ọvuọvo rẹ Izrẹl na tare, Fikiridie wọ jẹn ota nana fia, wọ da vwẹ ẹro so oshenyẹ vẹ otaephre, wọ da vwẹ oma kpahe ayen;

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 33:11

Wọ mrevun rẹ iphopho, wo vwiẹ ikpato, ẹnwẹn wẹn ko hirhe oma phihọ erhanre rọ torhẹ owe.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Aizaya 47:10

Oma ko fu we vwẹ evun rẹ orukuruku wẹn, wọ da ta, Ohwo ọvuọvo mrẹ vwẹ-ẹ, aghwanre wẹn vẹ erianriẹn wẹn sun we ghwru, wọ da ta vwẹ udu wẹn, Mẹvwẹ, ono ọfa ji te vwe?

Aizaya 5:18

Ekan kẹ otu ri vwẹ ufi re efian evwọrọ kpono orukuruku ri kpono umwemwu kerẹsiẹ re kpono ekpẹrẹ,

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 59:15

Uyota kanre, ohwo ro si oma nẹ umwemwu vwe oma rọye mu ufi. Ọrovwohwo mrẹre, o gbi rhe je-e nẹ ọsoso herọ-ọ.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 9:15

ọkpako kugbe ohwo ro vwo oghọ ọye uyovwi, ọmraro ro yono efian ọye urhurhuvwun,

Jerimaya 48:7

Kidie, fikirobo wa vwọ vwẹ ẹro so ogba ọgangan vẹ efe rẹ ovwan na, e ji che mu ovwan rhe; Chemosh ji che kpo imu rhe, te irherẹn rọye kugbe isun rọye.

Jerimaya 5:1

Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Jerimaya 7:8

Nighe, ovwan vwẹ ẹro so eta ifefe ri fi emuọvo-o.

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Maika 2:1

Ekan ke otu re jẹ iroro umwemwu ri ruẹ ivumwemwu vwẹ enu re ehwa rayen! Ọke rẹ ọke dẹ rhiere, ayen mi ruọ, fikiridie ọgangan na rhe ayen vwẹ obọ.

Iruo rẹ Iyinkọn na 24:9

Ihwo ri Ju na ejobi da rhọvwe phihọ obo ro guru na nẹ ghene ọtiọye.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.