Aizaya 59:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 59:21 ပူးပေါင်းရင်းမြစ်များ

Une rẹ Ejiro 119:43

Wo siẹ ota rẹ uyota na nẹ unu mẹ kakare-e, kidie iphiẹrohọ mẹ hẹ evun re egba wẹn.

Ẹyano 4:15

Ku wọ cha ta ota kẹ, ki wo phi eta na phiyọ unu rọyen; ki mi nene unu wẹn dia kugbe unu rọyen, ki mi yono uwe obo rẹ wo ru.

Isẹ 7:3

Gba ayen mu irhiabọ wẹn, si ayen phihọ evun rẹ udu wẹn.

Aizaya 32:15

bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 40:8

Odi vwioro, ododo phoriẹ, ẹkẹvuọvo ota rẹ Ọghẹnẹ rẹ avwanre mudia bẹdẹ.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Jerimaya 1:9

Kẹsiẹye Ọrovwohwo ke riẹn obọ rọye rhe vwo te ugbunu mẹ; Ọrovwohwo ke ta kẹ vwẹ nẹ, nighe, mi phi ota mẹ phihọ ugbunu wẹn nure.

Iyẹnrẹ Esiri ri Jọn 1:33

Ekpuyovwi mẹ riẹnrẹ jovwo-o; ẹkẹvuọvo ọ ro ji vwe nẹ me rhe vwẹ ame kẹ ihwo na re ta kẹ vwẹ, nẹ ọ ru wọ mrẹ Erhi na ro wotọ rhe ro de she muo, ọnana hẹ ọ rọ vwẹ Erhi Ọfuanfon na vwọ kẹ ihwo.

Iyẹnrẹ Esiri ri Jọn 17:8

kidie eta na re wọ vwọ kẹ vwẹ na me vwẹ ayen vwọ kẹ ayen, ayen da reyọ ayen da riẹn vwẹ ọ rẹ uyota nẹ obọ wẹn mi nurhe; ayen de segbuyota nẹ wọwẹ ri ji vwe rhe.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Iyẹnrẹ Esiri ri Jọn 7:39

Asakiephana ọ ta ọnana kpahe Erhi na, rẹ otu ri sere gbuyota che vwo; kidie rhi te ọke na yọ je vwẹ Erhi na kẹ aye-en, fikiridie yẹ a je vwẹ urinrin na kẹ-ẹ.

Iyẹnrẹ Esiri ri Jọn 8:38

Me ta ota rẹ obo re me mrẹre vwẹ obọ rẹ Ọsẹ mẹ, yẹ ovwan ruẹ obo ru we nyo mie ọsẹ rẹ ovwan.

Ọbe ri Pọl si rhe Ihwo ri Rom 11:27

ọnana kọye hẹ ọphọ re me vẹ ayen cha re ri mi de phorho imwemwu rayen nu.

Ọbe ri Pọl si rhe Ihwo ri Rom 8:9

Ẹkẹvuọvo ovwan gbe hẹ evun rẹ ugboma-a, evun rẹ Erhi kọye ovwan epha, ọ da dianẹ Erhi rẹ Ọghẹnẹ vẹ ovwan herọ. Ohwo ro rhe vwo Erhi ri Kristi na-a, ọ rha sa dia ohwo rọye-e.

2 Kọrẹnt 3:8

Kẹ ogharọ rẹ Erhi na gbi vwo udidi rode rọ rho nọ ọtiọna?

Hibru 10:16

Ọnana hẹ ọphọ re me vẹ ayen cha re rẹ ẹdẹ yena da wan nu Ọrovwohwo re tare; ki mi phi urhi mẹ phihọ udu rayen, ki mi sio phihọ iroro rayen,