Aizaya 59:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ẹkẹvuọvo imwemwu wẹn phi ohẹriẹ phihọ uvwre wẹn vẹ Ọghẹnẹ wẹn, umwemwu wẹn nẹrhẹ o si opharo rọye nu kẹ wẹ fiki rẹ ọtiọye na o gbi nyo-o.

Aizaya 59:2 ပူးပေါင်းရင်းမြစ်များ

Isẹ 15:29

Ọrovwohwo pha shesheri kẹ oruimwemwu, ẹkẹvuọvo O nyo ẹrhovwo rẹ ọvwata.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 58:4

Nigherẹ, wo chire owẹvwe re wọ vwọ mrasan ghwọ họnre re wọ vwẹ ọchẹn phi ihwo. Owẹvwe echiro kerẹ owẹ na nonẹ na cha sa nẹrhẹ enyo urhuru wẹn vwẹ obenu-u.

Jerimaya 5:25

Orukuruku rẹ ovwan djẹ enana yanran, imwemwu wẹn si emu esiri nu we obọ.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Joshua 7:11

Izrẹl ru umwemwu; ayen chọ urhi rẹ ọphọ re me vẹ ayen rere; ayen reyọ usun rẹ emu ẹvo re vwo ze izobo na; ayen cho uji, ayen vwọrọ efian, ayen si ayen nu vwẹ ohri rẹ ekuakua rayen.

1 Samuẹl 4:3

Ọke rẹ otuofovwi na rhi vwo te asan erhọn na, ekpakọ rẹ Izrẹl na da ta, Die sorọ rẹ Ọrovwohwo vwọ nẹrhẹ avwanre djẹ kẹ ihwo ri Filistia nonẹ na? E jẹn avwanre re mu ekpeti rẹ ọphọ rẹ Ọrovwohwo na nẹ obo Shiloh rhe etinẹ, rere ọ rhe ohri rẹ avwanre ro sivwi avwanre nẹ obọ rẹ ogangan rẹ ivwighrẹ.