Aizaya 59:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọsoso rhoma kpuko, ọvwata de tephe shesheri; kidie uyota she phihọ ọsuere, uyota gbe sa ruọ-ọ.

Aizaya 59:14 ပူးပေါင်းရင်းမြစ်များ

1 Ivie 21:10

wa vwẹ erharhe rẹ ihwo ivẹ hirhe aro kuo, re ayen vwẹ urhi muo, tanẹ, Wọ harhe Ọghẹnẹ kugbe ovie. Etiyin ku we sio rhe otafe, re phio hwe.

1 Ivie 21:11

Ihwo rẹ orere nana, ekpako na vẹ ehọnvwọre re dia orere rọye, de ru kirobo ri Jezibẹl vuẹ rhe ayen na. Kirobo re siro phihọ ẹbe re vwo rhe ayen,

Une rẹ Ejiro 119:150

Ihwo ri kpokpo uvwe na re siẹ kẹre ovwẹ vẹ iroro umwemwu, ayen tephe kẹ urhi wẹn.

Aghwoghwo 3:16

Eriyin me mrẹrẹ vwẹ otọ rẹ ọnre na nẹ asan rẹ ọsoso epha, etiyin umwemwu je dia, kugbe asan rẹ ọvwata epha etiyin orukuruku je dia.

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Aizaya 5:23

ri siobọ nẹ ọ rọ reabe fiki rẹ udi ẹriọ, ayen mi mie ọvwata ase rọye!

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 59:11

Avwanre di muẹ guan kere ikorhi, avwanre di brenu, brenu kerẹ inekuku, avwanre rhẹro rẹ ọsoso, ẹkẹvuọvo kaka a mrẹre-e, rẹ esivwo, ẹkẹvuọvo ọ vẹ avwanre pha shesheri.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Aizaya 59:9

Fiki rẹ ọtiọye na ọsoso vwo sheri kẹ avwanre, ọvwata rha sa djẹ mu avwanre-e, avwanre rhẹro rẹ urhukpẹ, nighere, kẹ ebri a mrẹre, elo, ẹkẹvuọvo kẹ egho avwanre da yan.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 7:28

Wọ me ta kẹ ayen nẹ, Ọnana orere rọ kerhọn rẹ urhuru rẹ Ọrovwohwo Ọghẹnẹ raye-en, ayen reyọ ẹghwọ kuo rọye-e, uyota ghwuru kpimẹ e bruro nẹ ẹbẹrunu rayen.

Daniẹl 8:12

Otu na vẹ izobo ra tọrhe kẹ kọke kọke na fiki rẹ ẹguegbe na e de mie ayen vwọ kẹ, a da guọghọ uyota te otọ, O de yovwi kẹ ighoro na vwẹ emu ejobi ro ruẹ.

Hosia 7:1

Ọke mie vwo sivwi Izrẹl, emu ogbegbo rẹ Ifrem da rhe vwẹ oma phia, kugbe umwemwu ri Samaria, kidie ayen phiẹn ihwo, oji bẹrẹ ẹchẹ ro uwevwi, igbunegbu na re gborho vwẹ obo otafe.

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Emọs 5:7

E we re rhẹriẹ orhiebro phihọ akoro na, ro chiyi ọvwata muotọ.

Emọs 6:12

Iyesi sa djẹ vwẹ enu rẹ eragha? A sa vwẹ erhuẹn vorọ urhie? Ẹkẹvuọvo wa rhẹriẹ uyota phihọ ẹruan, emamọ rẹ ọvwata phihọ akoro.

Habakọk 1:4

Ọtiọye na urhi na kọ doghobọ ọsoso gbe vwẹ oma phia-a. Kidie ohwo umwemwu sogodogo riariẹ ọvwata na, e de ku ọsoso na rhẹriẹ.