Aizaya 59:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Aizaya 59:13 ပူးပေါင်းရင်းမြစ်များ

ỌBE RẸ JOB 31:28

ọnana je hẹ orukuruku rẹ ibrorhiẹ na che bru hwe, kidie ye me vwọrọ ofian kẹ Ọghẹnẹ ro hẹ obenu nure.

Une rẹ Ejiro 18:21

Kidie me yọnrọn idjerhe re Ọrovwohwo, me vwẹ uvumwemwu hẹriẹ oma nẹ Ọghẹnẹ mẹ-ẹ

Une rẹ Ejiro 78:36

Ẹkẹvuọvo da yẹ ayen de vwẹ unu brugu phihọ oma, ayen da vwẹ ẹrenvwe rayen vwọrọn efian kẹ.

Isẹ 30:9

Ọ rha dia ọtiọye-e evun da vọn vwẹ nọ, ke me sen wẹn, ke me ta nẹ, Ono Ọrovwohwo na vwo? eyẹ me da rha dia ogbere koko, ki mi che chuji, ye me phọphọ odẹ rẹ Ọghẹnẹ mẹ.

Aizaya 10:1

Ekan kẹ ihwo ri ji urhi re orukuruku, kugbe ihwo ri siẹ isiesi rẹ oshenyẹ,

Aizaya 30:12

Eriyin na enẹ Ọfuanfon Ọvuọvo rẹ Izrẹl na tare, Fikiridie wọ jẹn ota nana fia, wọ da vwẹ ẹro so oshenyẹ vẹ otaephre, wọ da vwẹ oma kpahe ayen;

Aizaya 31:6

Rhivwi bru ohwo re ovwan gbe kpahe gangan na, E ihwo re Izrel.

Aizaya 32:6

Kidie ẹkpa ota rẹ ẹkpa ọ ta, udu rọye umwemwu ọ roro: ro vwo ru emu ọbrabra, rọ vwọ ta ota ọchochọ kpahe Ọrovwohwo, ọ cha davwerhọn re ohwo rẹ owẹvwe hwe-e, ame rẹ ohwo re urhuru siẹ o mi kuofia.

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Aizaya 58:13

Ọ da dianẹ wo chuko wẹ ku ẹdidjala na, wo de gbobọnyẹ avwerhe wẹn vwẹ ẹdẹ ọfuanfon mẹ na, wo de se ẹdidjala na ẹdẹ avwerhe, ẹdẹ ọfuanfon rẹ Ọrovwohwo na ẹdẹ rẹ ọghọ; wo de mu ọghọ kẹ, wo rhe nene idjerhe rẹ obọ wẹ-ẹn eyẹ wọ rha guọnọ avwerhe rẹ obọ wẹ-ẹn, wo de gbe ikun ogbigbigbe-e,

Aizaya 58:2

Dede na yẹ ayen guọnọ ovwẹ kẹdẹ kẹdẹ, yẹ ayen guọnọ idjerhe mẹ riẹn vẹ aghọghọ, kerẹ ẹgborho ri ruẹ ọvwata re mrẹ iji rẹ Ọghẹnẹ rayen djẹ-ẹ; ayen nọ ekpẹn rẹ orhiebro rẹ ọvwata vwẹ obọ mẹ, ayen vwẹ omavwerhe vwo si kẹrẹ Ọghẹnẹ.

Aizaya 58:9

Ọke yena ku wo se, Ọrovwohwo ko nyo, ku wo kperi, kọ ta kẹ wẹ nẹ, Mẹvwẹ na. Ọ da dianẹ we si urhekpe na nẹ uherevie rẹ ovwan urhiabọ ra riẹn, kugbe ota umwemwu ra ta,

Jerimaya 12:8

Ukuẹriọ mẹ da rhe dia kẹ vwẹ kerẹ okpohrokpo rọ hẹ evun rẹ oghwaghwo. Vwẹ ọtiọye na ko tu vwe oma.

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Jerimaya 2:16

Ọ rọ ma rhọ, ihwo ri Mẹmfis vẹ Tapanhes ghwọrọ erhun rẹ uvie wẹn.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

Jerimaya 3:20

Uyota, obo re aye ọfafarhiẹ yan jẹ ọshare rọye vwo ye, eriyin ovwan gbe ofarhiẹ rhurhu vwe, E uwevwi rẹ Izrẹl, eriyin Ọrovwohwo tare.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 42:20

nẹ wa da yan ghwru arhọ rẹ ovwan ko nene. Kidie we ju vwe bru Ọrovwohwo Ọghẹnẹ rẹ ovwan, nẹ, Nẹ ẹrhovwo kẹ Ọrovwohwo Ọghẹnẹ rẹ avwanre na kẹ avwanre, re wo ghwoghwo kẹ avwanre emu kemu rẹ Ọrovwohwo Ọghẹnẹ rẹ avwanre djeri avwanre ruo.

Jerimaya 5:23

Ẹkẹvuọvo ihwo nana vwo udu ọgangan ra vwọ chọ urhi, ayen chuko ku ayen da yanran.

Izikiẹl 18:25

Ye wọ tanẹ, Idjerhe rẹ Ọrovwohwo na dia ọsoso-o. Gbe nyo asakiephana, E uwevwi rẹ Izrẹl Idjerhe mẹ dia ọsoso? O dia idjerhe wẹn ri je ọsoso ẹdia?

Izikiẹl 6:9

Etiyin ovwan ihwo re vaba na ke karohọ ovwẹ vwẹ ohri rẹ ẹgborho re mu ayen ighuvwu ra na, vwẹ ọke mi de vwirhi udu rẹ evwan rayen ro bo ju vwe vwo na, ro rhu ẹro rayen rọ vwẹ evwan rayen hirhe ku ema rayen, kẹ ayen che hirhe phihọ ometuo kẹ omaobọ rayen vwẹ irharo rayen fiki rẹ uruemu rẹ ẹgua rẹ ayen ejobi.

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Hosia 7:1

Ọke mie vwo sivwi Izrẹl, emu ogbegbo rẹ Ifrem da rhe vwẹ oma phia, kugbe umwemwu ri Samaria, kidie ayen phiẹn ihwo, oji bẹrẹ ẹchẹ ro uwevwi, igbunegbu na re gborho vwẹ obo otafe.

Hosia 7:13

Ekan kẹ ayen, kidie ayen ghwru nẹ obọ mẹ! Ẹghwọrọ kẹ ayen kidie ayen mu kpahe ovwẹ! manẹ me tan ayen hirhe, ẹkẹvuọvo ayen mu efian bare ovwẹ.

Emọs 6:12

Iyesi sa djẹ vwẹ enu rẹ eragha? A sa vwẹ erhuẹn vorọ urhie? Ẹkẹvuọvo wa rhẹriẹ uyota phihọ ẹruan, emamọ rẹ ọvwata phihọ akoro.

Matiu 10:33

Ẹkẹvuọvo ohwo kohwo rọ sen vwẹ vwẹ irharo rẹ ihwo, ọye me je sen vwẹ obaro rẹ ọsẹ mẹ rọ hẹ obo odjuvwu.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Jems 3:6

Ẹrẹnvwe na vwenẹ erhanre o ruẹ; ohwo umwemwu rọ hẹ oma rẹ avwanre ejobi na ọye hẹ ẹrẹnvwe, ọye ri miovwo ugboma na ejobi ọ me torhẹ eroro rẹ akpọ rẹ avwanre, ukuko rọye re ka torhẹ okpuyovwi rọye vwẹ erhanre rẹ orere rẹ igbẹphẹre.

Joshua 24:27

Joshua da ta kẹ ihwo na, Nighe, oragha nana ko che se iseri hwe avwanre; kidie o nyo eta rẹ Ọrovwohwo nana ejobi rọ ta kẹ avwanre na; fiki rẹ ọtiọye na ko che se iseri hwe we, wo de rhi ru ogbigbiru rhurhu Ọghẹnẹ wẹn.