Aizaya 59:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Avwanre di muẹ guan kere ikorhi, avwanre di brenu, brenu kerẹ inekuku, avwanre rhẹro rẹ ọsoso, ẹkẹvuọvo kaka a mrẹre-e, rẹ esivwo, ẹkẹvuọvo ọ vẹ avwanre pha shesheri.

Aizaya 59:11 ပူးပေါင်းရင်းမြစ်များ

Une rẹ Ejiro 119:150

Ihwo ri kpokpo uvwe na re siẹ kẹre ovwẹ vẹ iroro umwemwu, ayen tephe kẹ urhi wẹn.

Une rẹ Ejiro 119:155

Esivwo pha shesheri kẹ ohwo umwemwu, kidie ayen guọnọ iji wẹ-ẹn.

Une rẹ Ejiro 38:8

Me ranvwiẹ re tototo oma bruku; Me ra guan vwi fiki rẹ oseghe rọ hẹ udu mẹ.

Une rẹ Ejiro 55:2

Bru vwe rhe, rere wọ kpahe kẹ vwẹ; ukpokpogho mẹ rho nọ vwẹ oma.

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Aizaya 38:14

Kerẹ ọmọphrorise eyẹ obo ọtiọye me pharha, Mi ro brenu kerẹ inekuku. Oma rhọ ẹro mẹ ri mi vwo nẹ enu na. E Ọrovwohwo, e shenyẹ vwẹ, gba re esarobọ mẹ!

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Aizaya 59:14

Ọsoso rhoma kpuko, ọvwata de tephe shesheri; kidie uyota she phihọ ọsuere, uyota gbe sa ruọ-ọ.

Aizaya 59:8

Idjerhe rẹ ufuoma ayen riẹnrẹ-ẹ, o vwo ọsoso vwẹ idjerhe raye-en; ayen ru idjerhe rayen gugunu, o vwo ohwo ọvuọvo rọ wanrọ rọ riẹn ufuoma-a.

Aizaya 59:9

Fiki rẹ ọtiọye na ọsoso vwo sheri kẹ avwanre, ọvwata rha sa djẹ mu avwanre-e, avwanre rhẹro rẹ urhukpẹ, nighere, kẹ ebri a mrẹre, elo, ẹkẹvuọvo kẹ egho avwanre da yan.

Jerimaya 8:15

Ma hẹrhẹ ufuoma, yẹ erhuvwu cha-a, ma hẹrhẹ esivwo, ẹkẹvuọvo, gbe no, oshọ kọye a mrẹre.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Uvwerhe 3:17

Erhi mẹ gbe riẹn ufuoma-a, aghọghọ da chọrọ ovwẹ ẹro.

Izikiẹl 7:16

O da dianẹ ohwo ro ghwu chekọ vwọ da dje vabọ, ke ayen dia enu rẹ igbenu kerẹ ilekuku rẹ iyara, ayen ejobi re beroma, ọvuọvo fiki re orukuruku rọye.

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

Nahum 2:7

Aye ro vwo ighẹn na e choro yanran, emẹtẹ rọye ra viẹ, i ro beroma kerẹ ilekuku, ayen ra teyẹ udu rayen.

Nahum 2:8

Ninivẹ da họhọ oku rẹ amẹ rọye djẹ yanran. Daji! Daji!, ayen de kperi; ẹkẹvuọvo ọvuọvo rhivwi rhe-e.