Aizaya 59:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Avwanre vwẹ abọ gbe igbẹhẹ kerẹ orhuẹro, avwanre vwẹ abọ gbe kerẹ ohwo ro vwo ẹro-o, avwanre ghorie she vwẹ oghẹruvo kerẹ ason, vwe uherevie rẹ ihwo gbrọgbrọ avwanre ke họhọ ihwo ri ghwuru.

Aizaya 59:10 ပူးပေါင်းရင်းမြစ်များ

ỌBE RẸ JOB 5:14

Ayen yan mrẹ ebri vwẹ oghẹruvo, ayen mi ghoro vwẹ uvo kerẹ ason.

Isẹ 4:19

Idjerhe rẹ oruimwemwu na ọ họhọ ebri rode; ayen vughe obo rayen she teye-e.

Aizaya 28:13

Vwẹ ọtiọye na kẹ enẹ ota rẹ Ọrovwohwo cha dia kẹ ayen urhi kpahe urhi, urhi kpahe urhi, usi vwọ kpahe usi, usi kpahe usi, etinẹ emerha, etiyin emerha, rere ayen vwọ yanran, re she kpuko, kẹ ayen vwirhi, ufi ko mu ayen, ke mu ayen reyọ.

Aizaya 8:14

Kọ cha dia ẹshẹ kugbe oragha rẹ ogbeku kugbe uchukurhe umwemwu kẹ uwevwi ivẹ rẹ Izrẹl ufi kugbe ugodo kẹ ihwo re dia Jerusalẹm.

Aizaya 8:15

Buebu ki che she teyọ, ayen che she ayen mi vwirhi, ufi che mu ayen reyọ.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Uvwerhe 3:6

Ọ da nẹrhẹ ovwẹ dia evun rẹ ebri, kerẹ ohwo ro ghwru rhahae.

Uvwerhe 4:14

Ayen di ghoro, ohrohribo, Wan evun rẹ Irhuvwu na, e da vwẹ ọbara gbe oma rayen ẹgua rẹ ohwo gbi se dje obọ te iwun raye-en.

Izikiẹl 21:15

rere udu rayen vwọ wran, ri buebu she teye inurhoro rayen. Me kẹrẹ ọlọkọ ro lo wrowro na, e! ruro kerẹ enu rọ nyavwarọ, a riere vwọ kẹ ehwe.

Emọs 8:9

Vwẹ ẹdẹ yena eriyin Ọrovwohwo Ọghẹnẹ na tare, ki mi che ru ọnre ko che she vwẹ oghẹruvo, egho ko che mu vwẹ uvo koko na.

Maika 3:6

Fiki rẹ ọtiọye na kọ cha dia ason kẹ wẹ, o rhe vwo emramrẹ-ẹ, ke ebri kẹ wẹ, o rhe vwo epha ẹbọ-ọ. Ọnre na che she ghene emraro na, ọke na ko che bi vwẹ enu rẹ ayen;

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Iyẹnrẹ Esiri ri Jọn 12:40

Orhurhu ẹro rayen o de ru udu rayen gan, ayen da vwẹ ẹro rayen mrẹ orẹ ayen da vwẹ udu rẹ ayen vughe, ayen de kurhẹriẹ e de sivwi ayen.

Urhi Rivẹ 28:29

kẹ ovwan dia akparhurhu vwẹ ọghẹruvo, kerẹ esẹ rẹ orhuẹro a yan bribri, ovwan gbi vwo oyouvwe vwẹ idjerhe rẹ ovwa-an; ke shenyẹ ovwan ke ji cho ovwan kọke kọke, ohwo rọ chọ ovwan uko gbe dia-a.

1 Jọn 2:11

Ẹkẹvuọvo ohwo ro tuoma rẹ oniọvo rọye yọ hẹ evun rẹ ebri, evun rẹ ebri kọye o de muẹ yan, yọ riẹn asan rọ ra-a, fikiridie ebri na rhuro ẹro.