Aizaya 58:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Aizaya 58:8 ပူးပေါင်းရင်းမြစ်များ

ỌBE RẸ JOB 11:17

Akpọ wẹn ko che phẹn kerẹ uvo; ebri rọye kọ cha họhọ irhiọke.

Une rẹ Ejiro 112:4

Urhukpẹ la nẹ evun rẹ ebri rhe kẹ ohwo ọsoso, Ọrovwohwo vẹ ehrọre, arodọvwẹ, kugbe ọvwata.

Une rẹ Ejiro 37:6

Kọ vwẹ ase wẹn phia kerẹ uvo, iruo esiri wẹn kerẹ uherevie rẹ uvo.

Une rẹ Ejiro 85:13

Ọvwata kọ cha ka obaro kẹ ko ru ichiyi rọye hirhe phihọ idjerhe.

Une rẹ Ejiro 97:11

Ọke rhie vwọ ke ọvwata, aghọghọ kẹ ohwo rẹ udu rọye dia ọsoso.

Ẹyano 14:19

Etiyin amakashe rẹ Ọghẹnẹ rọ ka obaro kẹ ihwo rẹ Izrẹl na de kpo obuko rayen; osunsun rẹ egho de nẹ obaro rayen rhi mudia obuko rayen,

Isẹ 11:17

Ohwo ro nẹ aruedọ che vwo erere kẹ oma rọye, ẹkẹvuọvo ohwo umwemwu oma rọye o hwe.

Isẹ 11:25

Ohwo ro ruẹ ẹse ọye ri fe, ohwo ro kuẹ ame kuẹ emu ra kọnre eriyin e ji ku ame kuo.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Aizaya 52:12

Kidie wo bru okpakpa ro otafe-e, ọ je dia ugbonẹ-ẹ, kidie Ọrovwohwo cha ka obaro kẹ wẹ, Ọghẹnẹ rẹ Izrẹl na ka obuko kẹ wẹ.

Aizaya 57:18

Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 60:1

Vrẹn lo, kidie urhukpẹ wẹn rhire, urinrin rẹ Ọrovwohwo bẹre mu we re.

Aizaya 60:2

Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 13:15

Kidie udu rẹ ihwo nana figberi, Erhọn rayen diri; Ẹro rayen ji ghwe rhu; Re ayen jẹ orẹ ẹmrẹ, Rere ayen vwo jẹ ẹme enyo; Udu rayen de rhe roro; Ayen de rhe kurhẹriẹ, E de rhe sivwi ayen.

Iruo rẹ Iyinkọn na 10:31

rọ tanẹ, Kọniliọs e nyo ẹrhovwo wẹn kugbe ẹse eruo wẹn a je karophihọ ayen vwo obaro rẹ Ọghẹnẹ.

Iruo rẹ Iyinkọn na 10:35

ẹkẹvuọvo vwẹ ẹgborho kẹgborho ohwo rọ djẹ oshọ rọye ro de ru obo ri shehọ ọye ọ reyọ.

Iruo rẹ Iyinkọn na 10:4

Ọ da tẹrovio vẹ uguegue, ọ da ta, Didi emu Ọrovwohwo? Ọ da ta kẹ, Ẹrhovwo wẹn kugbe ẹse wẹn rhi mudia họ ekarohọ vwẹ obaro rẹ Ọghẹnẹ.